10 Urria 2013

Bera Bera Eskubaloiak ez ditu iazko denboraldiko akatsak errepikatu nahi izan Valentzian eta hasieratik tartea zabaltzeko asmoz atera da. Izan ere, 0-5 aurreratu da Pinedo eta Castroren golei esker Susana Parejak jarritako 3-3 defentsa gaindituz eta ez dio Canyamelar taldeari 11. minutura arte golik sartzen utzi.
 
Hurrengo minutuetan alde hori kudeatu du. Valentziarrak gerturatu dira bi minutuetan 3-5, baina Castro eta Ziarsolok moztu dute bolada eta horren ostean bi goletara hurbildu dira (19. Min 6-8) baina Elorza eta Castrori esker –bost gol lehenengo zatian- Bera Berak aldea berreskuratu du. Ez hori bakarrik, atsedenaldira (8-14) abantaila handitu du Elorza, Ziarsolo eta Núñezen golen bitartez eta momento horretan 6-0 defentsa medio.
Izan ere Bera Berak ia partida osoan 5-1eko defentsa ezarri du, Eli Pinedo aurrean jarriz hasieran eta ondoren Esther Arrojeriari leku hori emanez. Imanol Álvarezek minutuak banatu ditu jokalari guztien artean, Bidebietan Porriñoren aurka egin zuen bezala.
Bigarren zatian, Pinedok etxekoen 2-0 partziala moztu du. Halere, Canyamelar taldea saiatu da (40. Min 14-18) baina Nitsan Dunayek gola sartu du eta, horren ostean, Pinedo edo israeldarra kanporatuak izan arren, Bera Berak 0-3 partziala ezarri du (43. Min, 14-22) partida guztiz bideratuz.
Horren ostean golak alde batean eta bestean. Aipagarriak izan da Esther Arrojeria (3) eta Maitane Etxeberriaren (4) ekarpena. Ondorioz, Bera Berak eskuratu ditu beste bi puntu gehiago ohorezko mailako lidergoan jarraitze aldera. Orain, berriro ere, Championsa, larunbatean (18 etan) Kroaziako Koprivnican Prodavka Vegetaren aurrean.
Fitxa: Canyamelar Valencia 22 Bera Bera 31

Canyamelar Valencia 22 (8+14): Aguas, Herreros, Descalzo (3), Esterri (2), Morell (2), Monros, Llinares (2), Santaisabel (2), Segura (4), Paya (5) Cañavera (1) eta Gimeno (o.a.)

Bera Bera 31 (14+17): Temprano, Castro (5), Arizaga (2), Menéndez (1), Pinedo (6), Núñez (2), Ziarsolo (3), Ana Martínez, Ederra (2), Elorza (2), Arrojeria (3), Dunay (1) eta Etxeberria (4).
Epaileak: Jordi Ausas eta Miquel Florenza (Catalunya) Kanporaketak: Esterri Canyamelarretik eta Menéndez, Pinedo eta Dunay Bera Beratik.
Partzialak: 0-1, 0-5, 3-6, 6-8, 7-11, 8-14 –atsedenaldia- 10-15, 13-18, 14-22, 17-26, 19-28 eta 22-31

09 Urria 2013

Lehiaketan murgilduta dagoenetik, lehenengo hilabete honetan, alegia, Bera Bera Eskubaloiaren ezaugarri naguiena defentsaren sendotasuna da. Irailaren 4etik jokaturiko sei partida ofizialetik, hau da, Superkopa Rocasari irabazi zionetik lehengo igandean Vardar taldearen aurka Championseko ligaxkako partida arte, Imanol Álvarezen taldeak 123 gol jaso ditu, hau da, 20,5 gol partidako eta Ligako norgehiagokak kontutan harturik, bataz beste 19 gol. Bera Berako entrenatzaileak berretsi du Núñez, Elorza, Pinedo eta Menéndez osaturiko erdiko ardatza eta Ana Tempranoren geldiketak ere aipagarriak dira. Iazko denboraldiarekin konparatuz gero, garai hauetan, Bera Berak 10 gol gehiago zeraman jasota eta 13 gol gehiago sartuta. Jokuan eman dioten geldiunea izan daiteke arrazoi bat. Rocasa izan da, lehenengo partidan, gol gehien sartu dion taldeak, 24 guztira Gascan. Ligan, baina, 21 besterik ez Bidebietan. Guardesek 16 baino ez zituen egin eta Zuazok, 20. Eta Vardarrek, Fleury taldeari 33 gol egin zizkionak, Championseko partidan, 23 Bera Beraren erronka berretsi duena, alegia. Ligan bataz beste 19 gol jasota, Bera Bera Eskubaloia da Estatuko hiru liga nagusietako talde onena zentzu honetan: Emakumezkoen ohorezko mailan, Asobalen eta Gizonezkoen zilarrezko ligei begiratuta, Bartzelona liderrak 23,2 gol jaso ditu bataz beste bost partidatan, eta zilarrezkoetan, Teucrok 24,75 lau norgehiagoketan. Emakumeen ohorezko ligan Alcobendas da hurrengo taldea, 92 golekin (23 gol partidako) eta zilarrezko ligan lehengo asteburuan jarri zen martxan. Europari so, Norvegiako Larvik eta Storhamar eta Buducnost taldeek baino ez dituzte Bera Beraren datuak gainditzen. Larvikek 17,5 gol jaso ditu bataz beste lau partidatan eta Storhamr taldeak, 18,5. Buducnostek 104 gol jaso ditu Balkanetan jokatzen duten ligan (17,33). Eta ezagun batek, Poloniako Vistal Laczpol Gdyniak Bera Berak bataz beste adina gol bost norgehiagoketan. Europan, orokorrean liderra da gol gutxien jasotzen duena, salbuespen salbuespen. Alemanian Leipzik liderrak sei partidatan bataz beste 21,5 gol sartu ditu; Danimarkan Randers atzetik dagoen Tvis Holstebro da gol gutxien jaso duena (22,4 partidako); Frantzian Metz liderrak (24 gol) eta Issyk (22 baino gutxiago); Hungarian Györi (20 gol baino gehiago) zazpi partidatan eta FTC taldeak 23 baino gehiago. Errumanian Baia Marek bataz beste 22,8 gol jaso ditu eta hirgarren sailkatuak, HC Brailek 20,2. Errusian Dinamo Volgograd liderrak 24 gol jasotzen ditu norgehiagoketan eta Suedian, Savehöf taldeak, 21. Bihar Valentzian Bera Bera zenbaki hauetan mantentzen bada ez du arriskuan jarriko garaipena Canyamelar taldearen aurrean. Iaz 25-23 galdu zuen.

08 Urria 2013

Protagonista nagusienak eta komunikabideetan zabaldu diren kronikek bat egiten dute adierazten Bera Beraren debuta Europako txapelketa gorenean bultzakada bat suposatu duela donostiarrentzat.
Izan ere, jokalariek partida osoan zehar emandako irudia azpimarratu dute kronika guztietan. “Bera Berak Vardar estutu du” da Juan Carlos Elorzaren titularra Garan; El Diario Vascoko azalean eta Xabi Galartzaren kronikan Bera Berak lehiaketak finkatzen duen “mailara iritsi dela”aipatzen da eta Eli Pinedoren argazki bati eskaintzen dio Kiroletako gehigarriko azala “sensatzio onak” adieraziz.
Noticias de Gipuzkoa eta Mundo Deportivok ere partiden aipamenak jaso zituzten azaletan. NGn Néstor Rodríguezen titularrak dio “Championsak ezagutu du Bera Bera” eta Iñaki Urbistondok, MDPn, “Harro egoteko debuta”.
Bestetik, Óscar Badallok Marcan “Bera Berak sensatzio onak utzi ditu etxean galdu arren”.
Kazetariek Vardar indartsuaren aurrean Bera Berak aurpegia eman zuela azpimarratu dute. Mazedoniako taldeak aurreneko fasea jokatu behar izan duen multzoen fasean egon ahal izateko eta, besteak beste, Zoqbi, Bea Fernández, Marta Mange jokalarien Fleury taldea mendean hartu zuen Italian (25-33). Gipuzkoarrek defentsan egindako lana goraipatu zuten komunikabideek eta galdu arren Championseko lehen partidak berretsi duela Bera Beraren apustua.
Imanol Álvarezk berak jokalarien lanarekin harro zegoela adierazi zuen partida ostean eta horrek taldearengan suposatuko lioken bultzakada aipatu zuen.
Orain, aldiz, Valentzian jarri ditu begiak, ostegunean Ligako partida baitago.

Argazkia: Juan Antonio Garaikoetxea.

06 Urria 2013

Bera Bera Eskubaloiak oso irudi ona eman du gaur eguardian Championseko ligaxkari zegokion debutean Mazedoniako Vardar indartsuaren aurrean. Izan ere, donostiarrek markagailuari begiratu diotenean Mazcedoniako txapeldunetik hain gertu ikusi dute euren burua ((15-17, min 51 eta 17-19, min 54) azken finean, egoera horrek kaltetu dielarik (19-23). Partida Vardarren esanetara jarri da defentsa gogor baten bidez, Bera Berari gainditzen asko kostatu zaiona. Donostiarrek 6-0 defentsarekin Elorza, Núñez, Pinedo eta Menéndez kokatu dituzte erdian eta Ana Martínez eta Castro alboetan. Ana Tempranok atea zaindu du eta erasoan Pinedo ezker alboan kokatu da. Erasoan zailtasunak izanik eta kontraerasoak ezin gauzatuz, Vardarrek ez du tarterik ireki, era berean, gipuzkoarren defentsak bikain bete duelako lana (4-5, 11. Min). Bera Berak berdintzeko baloiak izan ditu baina ezin izan du partida osoan lortu. Lehenengo zati amaieran bakarrik lortu du Vardarrek aldea, Khmyrovak sartutako golei esker (8-12, atsedenaldian). Championseko partida izan arren, Imanol Álvarezek ez du zalantzarik izan jokalarien artean minutuak banatzeko. Nagore Arizagak zuzendu du taldea lehenengo zati erdian eta bigarrenean Maitane Etxeberria jubenila eta Esther Arrojeria sartu ditu, usurbiltarra Lekic ondo ondoan jarriz. Izan ere, Vardarren Andrea Lekic Györi txapeldun taldetik etorritako jokalariak ardura hartu behar izan du. Bigarren zatian, Bera Berak zailena lortu du, partidan berriro sartzea, alegia. Tempranok Zebici gelditu dio penaltia eta gipuzkoarrek 4-1 eko partziala lortu dute Ziarsolo eta Pinedoren golei esker 12-13 jarriz 41. Minutuan. Berdinketa ez da iritsi horreratako baloia izan arren. Radicevicek pibotean, Dembelek kontraerasoan eta Nikolicen golek Vardarri arnasa eman diote baina Bera Berak lanari leiala izaten jarraitu du. Ana Martinezek eta Arrojeriak kontraerasoan Mazedoniako taldea berriro estutu dute baina gidaritza hartuta zuen Lekic jokalariari esker lau goleko aldea berreskuratu dute (15-19, 52 min). Halere berriro Bera Bera bi goletara gerturatu da (17-19, 54 min), Indira Kastratovikj Vardarreko entrenatzaileak hutsartea eskatu du orduan. Lekicek ardura hartu du eta partida erabaki du. Ondorioz, partida handia Bera Berak egin duena zalegoan zoramenerako Gaska erdia baino gehiago betez, Championsen urrutira iritsiko den talde batean aurrean jokalariek aurpegia eman dutelako. Eta harro egoteko modua da. Bera Bera 19 (8+11): Temprano, Castro (1), Elorza (2), Martínez (2), Núñez (1), Menéndez (1) eta Pinedo (3) –Arizaga (1), Dunay, Ederra, Ziarsolo (7, 3 p), Etxeberria eta Arrojeria (1). WHC Vardar 23 (12+11): Suslina, Radicevic (4), Djokic (1), Lekic (6), Fernández, Pineau (1) eta Zebic (3) –titular- Dembele (2), Nikolic (1), Klikovic, Khmyrova (5), Crvenskoska y Leynoud (o.a.) Epaileak: Peter Herczeg eta Peter Südi (Hungaria). EHFko delegatua: Antonio Goulao. Kanporatuak: Ana Martínez, Elorza eta gorria Pinedori (min. 58) Bera Beratik eta Fernández, Lekic, Nikolic eta Klikovac (3, gorria 56. min) Vardarretik. Partzialak: 2-2, 3-4, 5-6, 6-8, 7-10. 8-12 -atsedenaldian- 9-12, 11-13, 12-15, 14-.17, 17-20 y 19-23.