Irailak formazio talde desberdinen itzulia suposatu du denboraldi berriaren prestakuntzarako. Kadeteak eta jubenilak entrenatzen hasi diren lehen taldeak izan dira eta hurrengo astean 2.Nazionalekoak hasiko dira. Talde desberdineko jokalariak oso ondo moldatzen ari dira kide berriekin eta giro ezin obearekin lanean hasi dira. Talde hauen arduradunak ere zenbait torneo prestatu dituzte jokalariak lehian hasteko asmoarekin, lehen bai lehen maila egokia hartu dezaten. ¡¡¡ ONGIETORRIAK !!!
Joan den aste buruan, Bizkaian, Selekzio autonomikoen Txapelketa ospatu da eta Gipuzkoa gizonezko kadete eta jubenil mailan garaile irten da. Emakumeetan, jubenilak garaipena lortu dute eta kadeteak berriz 2. postuan amaitu dute. Denboraldi honetan Gipuzkoak arrakasta haundia lortu du, Bizkaia anfitrioia hutsean utzirik. Gainera Gipuzkoak Bilboko udaletxeak emandako komunitate oberenari sari ospetsua lortu du. Bera Berak jubenil selekzioan Naiara Elgarresta zuen, eta batez ere Bizkaiaren aurka jokatutako finalean nabarmen izan zen, 10 gol lortu bait zituen, denboraldi amaieran bere taldearekin burutu duen lan ona baieztatzen. ZORIONAK !!!!!
Donostiakoak denboraldi bikain baten ondoren eta partidu on bat jokatu arren, ezin izan zuten Gipuzkoako Kopa irabazi. Aukera honetan Elgoibar taldea izan zen 2. zatian markagailua hautsi ondoren garaipena lortu zuena. Donostiakoak lehen zatian borroka eta gogo haundiarekin atsedenera markagailuan 9 goleko berdinketarekin iristea lortu zuten, baina bigarren zatian ezin izan zuten Elgoibarren bultzada jasan, ahalegin guztiak egin arren. Bera Berako golegile haundiena Naiara Elgarresta izan zen 8 golekin. ZORIONAK!!!!
2.Nazionalak Javier Iriarteren eskutik Gipuzkoa Kopa irabazi zuen, aste buru batean, larunbatean Bidebietan Bergara taldearen aurka eta igandean Zarautzen Aiala Zarautzen aurka jokatuaz. Bergararen aurka Bera Berak partidu bikaina jokatu zuen, eta gol bihurzen ziren jokaldi ugariekin aurkaria menperatu zuten.Lehen zatiko 21-6 emaitzak, etxeko entrenatzaileri aldaketa ugariak egiteko aukera eman zion eta gutxiago jokatzen duten jokalariak kantxaratuaz eta Bergarak markagailua txukuntzeko aukera gutxi izan zituen. Alzkenean 33-20 eta Ainara Perez bikain bat, denboraldi amaiera bikain batean, aukera honetan 10 gol lortu zituen. . Hurrengo egunean Zarautz´en aurka, bi taldeen artean dagoen lehia dela eta, partidu korapilatsu bat izan zen, baina Bera Berak talde joku on batekin eta defentsan lan haundia eginaz Zarautz taldea gainditu zuen.Atsedenean 7-12 ko emaitzarekin amaitu zuten. Azkenean Patricia Elorza (8 gol) eta Ainara Perez (6 gol)l ekin, donostiakoak 15-25 emaitzarekin , berriz ere Gipuzkoa Kopa Txapelketa lortu zuten. ZORIONAK!!!!!
Elgoibarrek Azkoitian jokatu behar izan zuen Bera Beraren aurka, bere polikiroldegian gipuzkoako eskubaloi infantil txapelketa jokatzen zenez. Hau ez zen oztopo izan donostiakoak partiduaren garaipenaren bila irtetzeko asmoentzat . Partidu oso berdindua eta lehia haundikoa izan zen, eta Bera Berak joku on batekin garaipena lortu zuen. Ainara Perez´en ekitaldia bikaina izan zen eta 9 golekin partidua desorekatu zuen.