Asteburuko emaitzak
Pasa den asteburuan gure harrobiko bi taldek ligako partiduak izan zituzten, berdinketa bat eta garaipen batekin atera zituztenak. Hurrengo aste bukaeran, beste talde guztientzat ere lehiak hasiko dira.
A taldeko infantilek Foru Aldundiaren txapelketako lehen partidua jokatu zuten, eta Andoainen 11na berdindu zuten Leizaran Arekin. Arerioak multzoko talderik indartsuenetakoak dira, beraz, euren kantxan berdinketa lortzea emaitza ona izan zen.
Izugarrizko forman jarraitzen dutenak seniorrak dira, bostgarren garaipena jarraian lortu baitzuten, kasu honetan Aiala Zarautzi 23-31 irabazi ostean. Bera Bera egunez egun hobeto ari da, eta hurrengo helburua multzoko “oilarrei” eskua sartzea izango da.
