Bera Bera - Berriak

10 Urria 2011

Taldeko Iker Fernandez prestatzaile fisikoak eta Fadurako Hobekuntza Teknikorako Zentroko (CPT) Mar Garcíak eta Idoia Eskurzak zuzenduta, test fisikoak bete dituzte gaur goizean Bera Bera Eskubaloi taldeko jokalariek.

BAT Basque Team babeslea izanik, Eusko Jaurlaritzako Kultura Sailako Kiroletako Zuzendaritzapean dagoen eta Faduran kokatzen den zentroak eskaintzen dituen zerbitzuak erabiltzen ditu Bera Bera Eskubaloiak.

Horrela, denboraldiaurrea beteta eta lehiaketan hilabetea eman ondoren, Bera Bera Eskubaloiak hainbat adierazle fisikoak neurtu egin nahi izan ditu, jokalarien errendimendua hobetze aldera.

Ariketa ezberdinen bidez neurketak jaso dituzte: abiadura lasteketan, abiadura eta norabide aldaketa, jaurtiketako abiadura eta salto andana, “beheko enborrean lesioak saihesteko” azaltzen du Iker Fernándezek.

Horrelako testak urtean bizpahiru aldiz egiten ohi dira, oso baliagarriak dira banan-banan balorazioak egiteko eta jokalarien entrenamendu saioak neurrira egiteko. Horrez gain, denbora batez jarraipena egiten da eta Bera Bera Eskubaloi taldeko teknikariek eskura dituzte jokalarien egoera fisikori buruzko datuak.

Emaitzen zain, gustora atera dira egindako frogekin.

08 Urria 2011

Partida bukatzeko bost minutu falta zirela ikusi du alde Bera Bera Eskubaloiak Mar Alicante arerio zuzenaren aurkako norgehiagoka, izan ere, alancatarrak aurretik izan dira ordurarte. Lehenengo zatian, Bera Bera Eskubaloi taldeko defentsak ezin izan du Alacanteko erasoa kontrolatu, Eli Pinedok Isabel Ortuño estu hartu arren. Donostiarrak ez dira erasoan fin ibili, 11-13 partzialarekin amaitu da lehenengo zatia eta Bera Berak partida irabazteko sufritu beharko zuela itxura hartu dio Bidebietak. Horregatik, Bera Bera Eskubaloiak defentsa estutu du Mar Alicante taldearen eraso jokoa geldituz. Kanporatzeak eta Castellanos atezainaren geldiketak Bera Bera gehiago estutu du. Eta erantzuna iritsi da partida amaitzeko 15 minutu falta zirela, defentsa ezin hobe aritu da, Darly Zoqbi esnatu egin da orduan eta Bea Fernandezek erasoan erantzukizuna beregain hartu du. Bera Bera Eskubaloiak 45. minutuan 18-20 galtzen zihoan eta hamar minutu ostean 23-20 irabazten. Mar Alicantek 9 gol sartu ditu bigarren zatian eta azkeneko bi golak azken minutuan iritsi ziren. Ondorioz, Reyes Carrerek zuzentzen dituen jokalarien garaipena izan da, defentsari esker lorturikoa, alegia. Bera Bera 24 – Mar Alicante 22 Bera Bera (11+13): Zoqbi, Berta, Punko (1), Rubio (2), Bea Fernández (6), Carvalho (6), Pinedo (4), Yamiley, Altuna (2), Cuña (3), Ziarsolo y Campa. Mar Alicante (13+9): Castellanos, Amorós (3), Barrios (1), Nuñez (3), Popovic (2), Krnic (2), Nuria (3), Isabel Ortuño (5), Maestro, Manaut, Tobiasen (3), Laura Ortuño,. Epaileak: David Monjo eta Fernando San Pedro. Partziialak: 2-3, 5-5, 5-7, 9-8, 10-10, 11-13 –descanso- 15-16, 17-18, 18-20, 20-20, 23-20, 24-22 Kanporatzeak: Carvalho, Rubio, Pinedo y Bea Fernádez por Bera Bera; Isabel Ortuño eta Popovicek txartel gorria ikusi du.

08 Urria 2011

Bera Bera Eskubaloi taldeko Reyes Carrere entrenatzaileak Mar Alicante taldearen aurkako partida zaila izango zela susmoa zuen “arerio zuzena delako”.

Partida bukatu ostean egindako adierazpenetan, lehenego zatian Carrerek “ez du taldea norgehiagokan sartuta, defentsan ez gara gustora egonm, baloiaren atzetik eta arerioak zer egiten zuen zain”.

“Bigarrren zatian aurrea jo dugu, baloiak berreskuratu ditugu eta beraiek baino bizkorrago ibili gara”. Reyesen ustez “nahasia” izan den partida honetatik “emaitza izan da onena”.

Bestalde, Mar Alicanteko Esteban Roig entrenatzailearentzat “•gakoa” izan da Maia Popovicen “hirugarren kanporatzea zorrotzegia”. Gainera, azaldu du “50. minututik aurrera ez dugu erasoan asmatu Bera Beraren defentsa itxiaren aurrean eta beraiek kanpoko jaurtiketetan asmatu egin dute”.

07 Urria 2011

Bera Bera Eskubaloiko kadete mailako taldeek Zumaian eguardian eta Eibarren arratsaldean jokatuko dute.

Horrela, Bera Bera Egia kadete 2 taldeak Zalla Taberna Pulpo KE izango du aurrean Zumaiako Lubaki kiroldegian (12etan) eta Bera Bera Egia kadete 2 taldeak Eibar Eskubaloiaren aurka jokatuko du Ipuruan (arratsaldeko 5etan).

Jubenil mailako partida, Bera Bera Egiak eta Bartolo Jatetxea taldeak jokatu behar zutena, urriaren 12an izango da.

Bestetik, Bera Bera Egiako infantil mailalko taldeek lagunartekoak jokatuko dituzte bihar goizean Elgoibarren. Olaizaga kiroldegian infantil B taldeak goizeko 9,30etan jokatuko du eta infantil A taldeak 10,30etan.

07 Urria 2011

Azken urtetan, Bera Bera Eskubaloia eta BM Mar Alicante taldeak elkarren ondoan ibili dira sailkapenean. Iaz Mar Alicante laugarren izan zen –Bera Bera, bostgarrena- eta berarien arteko norgehiagokak berdintsuak izan ziren: 30-27 Alacanten eta 32-30 Bidebietan.

Aurrekari hauekin Bidebieta udal kiroldegira etorriko da bihar (arratsaldeko 7etan) BM Alicante, Isabel Ortuño jokalaria erreferentzia nagusia dena erasoan, besteak beste, Vanessa Amoros internazionala fitxatu duen taldea eta beste lau jokalari: Nuria Gracia, Maja Popovic, Natasa Krnic eta Anna Manaut.

Mar Alicantek partida bakarra irabazi du hiru jardunaldietan, Etxebarrin Kukullaga taldearen aurka, hain zuzen. Alacantarrak ustekabean galdu zuen aurreneko partida Ucam Murciaren aurka eta ezin izan zioten aurre egin Itxakori duela 9 egun (20-29).

Bea Fernandez eta Dara Carvalhok bat egin dute biharko partida “zaila” izango dela esaten. Horretarako hegalak “konzentrazioa” eskatu du eta pibotea “baikor dago astean zehar oso lan ona egin dugulako”.

Pasa den astean bezala, Reyes Carrerek jokalari guztiak ditu prest. Gijonen gakoa defentsa izan zen, Mar Alicanteari aurre egiteko ezaugarri bera, alegia. Irabaziz gero gerta daiteke Bera Bera Eskubaloia bigarren postura salto egitera Saguntok Rocasaren aurka partida zaila izango duelako.