Espainiak Danimarkari 24-18 irabazi ondoren, Mundial ederra burutu duen Bera Bera Eskubaloi taldeko jokalari Eli Pinedok Brontzezko domina jarri zioten atzo.
Bera Berako hegalak pistan minutu gehien izan den selekzioko jokalaria izan da, bederatzi partidatan 5 ordu eta 46 minutu baino gehiago, bataz beste 38,5 minutu. Horrez gain, Eli Pinedok 32 gol sartu ditu, penaltiak -26tik 25 sartu ditu- jaurtitzen dituen Carme Martinek bakarrik gaindituta.
Jokatutako partidetarik, Eli Pinedok oso norgehiagoka ona burutu zuen final zortzirenetan preolinpikoan izateko txartela jokoan zela, Montenegroren aurka, hain zuzen. Zazpi gol sartu zituen Elik eta partidako jokalari ona izendatuko zuten Silvia Navarro atezaina bikain aritu ez balitz.
Halere, iritzi ugari sortu zuena Brasilen aurkako berdinketa desegin zuen gola izan zen, partida amaitzeko hamabost segundu falta zirela lortu zuen, Espainia finalerdietara pasatu zen eta asteazken gauean Eli Pinedo Trending Topic izan zen twitteren.
Bera Bera Eskubaloi jokalarai ohiak Patri Pinedo eta Nely Carla Alberto Brontzezko domina ere eskuratu dute eta Raphaelle Tervel, Frantziarekin zilarra lortu zuen, finalea Norvegiaren aurka amore eman ondoren.
Brasil, bostgarren
Dara Carvalhoren selekzioak Mundialean posturik hoberena eskuratu du Rusia 36-20 menperatu ostean. Brasil bostgarrena izan da eta Bera Bera Eskubaloi taldeko piboteak oso partida ona jokatu zuen. Dara Carvalhok lau gol sartu zituen (%100), 42 minutu baino gehiago izan zen pistan eta behin kanporatua izan zen.
Zubietako Araeta Jatetxea izan zen atzo Bera Bera Eskubaloiri lotuta dauden talde guztien bilgune. Guztira 140 pertsona elkartu ziren bazkarian, gaztetxoenetik hasita –eskubaloi eskolakoak- eta ohorezko mailako jokalariak barne.
Jardunaldia Bidebietan hasi zen Bera Bera Egia kadete 1 eta Aiala ZKE taldeen arteko partidarekin (13-26). Ondoren denok Zubietako Araetanean, oso bazkari goxoaz gozatzeaz gain algara, poza eta opariak ez ziren falta.
Karmelek akordioarekin eta trikitixak alaitu zuten giroa. Olentzerok eta ohorezko mailako jokalariaek harrobiko jokalariei banatu zieten opariak eta alderantziz. Bera Bera Eskubaloi taldeko bazkaria argazkietan.
Brasilen brontzezko domina eskuratu zuen Eli Pinedo animatzen amaiatu zen jardunaldia.
Seigarren garaipen jarraiak, atzokoan Oñatin Aloña Mendiren aurka (14-25) Egia Bera Bera taldearen mailaz igotzea bermatu du liga amaitzeko bi jardunaldi falta direla. Horrela, Aitor Santos entrenatzaileen jokalariak Senior preferente mailatik Senior A izeneko mailara pasatuko dira.
Bestetik, Bera Bera Egia Kadete 2 taldeak Aluminios Alemán gainditu zuen (28-19) Bidebietan, partida guztiak irabazten jarraitzen dutelarik. Kadete 1 taldeak 13-26 galdu zuen atzo Aiala ZKEren aurrean. Jubenil mailako Bera Bera Egia 30-19 irabazi zion Ereintza bigarren sailkatuari, ondorioz, lidergoan da bakar bakarrik.
Azkenik, Bera Bera Egia infantil B taldeak eta Ordizia Eskubaloiak hamabina berdindu zuten. Bera Bera Egia infantil A taldeak jokatu behar zuen norgehiagoka bertan behera gelditu zen.
Mundiala jokatu ondoren, Antonella Mena Bera Bera Eskubaloi taldeko jokalaria Donostian dago dagoeneko. Txapelketa gazi-gozoa izan da berarentzat, alde batetik, Argentina selekzioak egin duenarekin ez dago gustora “helburuak bete ez ditugulako, behar zen garaietan asmatu ez dugulako eta honek ezin du berriro ere gertatu” dio behin eta berriz pibote argentinarrak.
Bestetik “pozik” dago Mundialean egin duen lanarekin, izan ere, Argentinako selekzioko gehien jokatu duena izan da bera, bost ordu t’erdi baino gehiago egon da pistan zazpi partidatan, bataz beste, 47,5 minutu eta %73ko portzentajearekin zortzi gol sartu ditu. “Bai, asko jokatu dut, Uruguairekin aurka oso nekatuta sentitu nintzen Mundialeko erritmoa oso altua delako, kontaktu asko dago eta kolpe ugari daude” adierazi du.
Bere iritziz, Mundialean hartu duen esperientzia “oso positiboa izan da, dena balio du, akatsak ez errepikatzeko eta hurrengo Mundialari begira ikasteko”.
Halere, Bera Bera Eskubaloi taldeko pibotea dio atsekabez “hobeto aritu gara Europako selekzioen aurrean Boli Kosta eta Uruguaien aurka baino”. Bere ustez, “goi mailan lehiatu dezakegula erakutsi genuen bigarren postua jokuan zuen Kroaziaren aurka. Atsedenaldian hiru goleko abantaila genuen eta amaieran bost golez galdu genuen”. Aitzitik, “Argentinak ez zuen mailarik eman Uruguai eta Kubaren aurka”. Australiari irabazita azken postu saihestu zuen.
Antonella Menak nahiago zuen Brasilek irabaztea Mundiala, “Joku Olinpikoetarako txartelako emango zigutelako” Panamerikarretan Argentina zilarra lortu baitzuen.
España- Noruega
Gaur gauean (23, teledeporte) Jorge Dueñasen selekzioak Mundialeko finalerdia jokatuko du Norvegiaren aurka. Brasil gainditzeko balio izan zuen Eli Pinedoren golak zeresan handia eman du. Bera Berako jokalaria Trending Topic izan zen twitteren eta elkarrizketak izan ditu, besteak beste, Ondacero, Cope eta Radio Marcan.
Adierazpen hauetan Eli Pinedok azpimarratu du “baloiak ez galtzea garrantzitsua izango da Norvegiak oso kontraeraso bortitza duelako”. Danimarkak eta Frantziak jokatuko dute bigarren finalderdia.
Azkenik, Dara Carvalhoren Brasilek bostgarren postua du helburu Kroaziaren aurkako partidan.
Guztira 140 pertsona bilduko dira igandean, abenduak 18, Zubietako Araeta jatetxean Bera Bera Eskubaloia osatzen dute talde guztien arteko adiskidantzazko bazkarian.
Ekimen berritzaile honek topaketa batean elkartu nahi ditu: eskolako gaztetxoak, infantil, kadete eta jubenil mailako jokalariak eta senior nahiz ohorezko mailakoak ere bai. Horrez gain entrenatzaileak, delegatuek eta gurasoek ere bazkarian hartuko dute parte.
Jardunaldia eguardiko 12etan hasiko da Bidebietan, izan ere, Bera Bera Egia kadete 2 taldeak partida jokatuko du Zarauzko Aiala ZKEren aurka. Arratsaldeko 2,30etan Araeta Jatetxean hasiko den bazkarira joateko bilgunea izango da bihar Bidebieta. Bertan sorpresa bat baino gehiago espero da.
