31 Martxoa 2014

Bera Berako bost jokalari aste osoa Espainiako selekzio nagusia eta junior mailako taldearekin aritu dira. Lehen taldeak Hungarian eta Kroazian 2014ko abenduaren 7tik 21era bitartean burutuko den Eurokoparako txartela erdia baino gehiago du jokaturiko bi partida ostean. Sagrario Santana hautatzailearen junior mailako taldea Frantzian aritu da Lau Nazioen txapelketan Mundialerako sailkatze fase prestatzen.
Jorge Dueñasen selekzioak Rotterdamen galdu zuen 27-22 Holandaren aurka baina atzo gol average delakoa berreskuratu zuen eta, ondorioz, multzoko lidergoa. Ekainean Espainiak Turkiara egingo du bidaia eta Italia hartuko du, aurreneko jardunaldietan aise menperatu zituen selekzioak. Garaipenak erdietsita multzoko aurrena izango litzatete, mesedegarri zozketarako.
Bera Berako jokalarien inguruan, Patri Elorzaren egoera kezka eragiten du Donostian. Izan ere, sudurrean golpe bat hartu zuen eta otorrinotik pasatu beharko du. Bestetik, kapitain lanak aurreneko aldiz egin dituen Eli Pinedok atzo hiru gol egin zituen eta Ana Martínezezk ez du golik sartu baina taldea zuzentzen bukatu zuen.
Bera Berak oso erronka interesgarria izango du Elxen larunbatean (18etan) eta lanera itzuliko da gaur arratsaldean. Hiru internazionalak atseden eguna izan dute gaur eta bihar entrenaldietara itzuliko dira.
Junior
Bestetik, Esther Arrojeria eta Maitane Etxeberriak debuta egin dute junior mailako selekzioarekin. Hungaria, Alemania eta Frantziaren aurka galdu arren, txapelketa positibotzat jo dute. Azpimarragarria Maitane Etxeberriaren debuta, Hungariari zazpi gol egin zizkion eta atzo Frantziari, hiru. Gaur 2ak aldera Madrilera iritsi dira biak.
Sagrario Santanaren selekzioa, Alemanian Mundialerako txartela ateratzen saiatuko da apirilaren 19tik 21etara bitartean.

28 Martxoa 2014

Bera Berako jokalari Maitane Etxeberria eta Esther Arrojeriak gaur arratsaldean junior mailako selekzioarekin debuta egiteko aukera izango dute, Parisen lau nazioen izeneko txapelketan. Sagrario Santana hautatzailearen selekzioak 18etan Hungaria izango du aurrean, bihar Alemaniaren aurka jokatuko du (18etan) eta igandean Frantzia (15,30etan). Arrojeria eta Etxeberriak Donostiara astelehen arratsaldean iritsiko dira. Bestetik, Jorge Dueñasen selekzioa Logroñon da Kroazia eta Hungarian datorren abenduan burutuko den Eurokoparako txartela lortzeko laugarren partida prestatze aldera. Espainiak 27-22 galdu zuen Holandaren aurka Rotterdamen eta berriro multzoko lidergoa berreskuratzeko sei goleko aldea lortu beharko du. Rotterdamen, Elorza eta Pinedo titular atera ziren. Aurrenekoak defentsan aritu ziren eta bigarrenak bi jartiketa baino ez zituen egin gol bat gauzatzeko. Bestetik, Ana Martínez bigarren zatian atera zen baina ezin izan zuen partida irauli. Espainiak Logroñon hartuko du Holanda igandean 13etan.

27 Martxoa 2014

Bera Berako harrobi taldeen partidak Elgoibar eta Errenterian burutuko dira.
Larunbat hontean Euskal Ligako kadete nahiz jubenilen bigarren fasearia amaiera jarriko dio Bera Berak Elgoibarko Olaizaga kiroldegian. Bera Bera kadete taldeak 16etan jokatuko du Tecnifuelle Elgoibarren aurrean eta jubenilek Astigarraga Gys Sport izango dute aurreran. Bi taldeek oso erronka zaila izango dituzte. Alde batetik, kadeteetan garaipen batek Elgoibarko taldeari multzoko lidergotza emango diolako eta jubenil taldea zazpi goleko aldearekin nagusitu behar da Tecnifuelleren aurrean bigarren postua eskuratzeko, lauko finala jokatzeko txartela emango duena.
Senior taldeak, berriz, Errenteriako udal kiroldegian jokatuko du Ereintza Aguaplasten aurka.
Eta iganderako utzi dute lurraldeko mailako kadete taldean Errenteriko Beraungo pilotalekuan, 12,30etan Ereintza Beissierren aurka.
Ikus sailkapenak

26 Martxoa 2014

Espainiako junior eta lehenengo taldeko hautatzaile ohi (80-82, 93-97) Juan Oliverrek, Brasilgo hautatzailea izan zena 2005-09an, hitzaldia eskainiko du defentsa irekien inguruan datorren ostiralean, martxoak 28, Bidebietan 16,30etatik 19,30etara. Bera Bera Eskubaloiak eta Gipuzkoako Eskubaloi Federazioak antolatuta, saioak bi alde izango ditu, batetik teorikoa eta bestetik, praktikoa, Bidebietako pistan bertan burutuko dena. Etortzeko interesaturik dagoena Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. mezua zuzendu dezake.