27 Urria 2014

Bera Berako harrobiko taldeen emaitzen artean denetarik egon da. Garaipen garrantzitsuena Usurbilen eman zen, María Graciaren senior taldeak lortu zuena bertakoak 27-31 gaindituz. Bestalde, euskal ligan ere bai, jubenilek Zuazoren aurka galdu zuten 19-26 eta kadete taldeak 19-13 gainditu zituen bizkaitarrak. Lurralde mailako kadete taldeak Bera Berak 16-11 galdu zuen Oñatin Aloña Mendiren aurrean. Eta infantil mailan, neskak galdu zuten Beraunen baina mutilek Egian irabazi zuten (8-25).

27 Urria 2014

Ez da ohikoa Bera Berak gol bakar batez partidak irabaztea. Izan ere, azkeneko lau denboraldietan laugarren aldia da, beti sufritzen, partidak iraultzen eta bere garaian lorpen historikoak lortuz. Ez da ohikoa lehengo larunbatean Valentzian azken jabetzan lortzea garaipena Bera Berak. Donostiarrek ia partida osoan lortu ez zutena lau minutuetan egin zuten, hau da, 23-19 galtzeaz 24na berdintu zuen Elorza, Pinedo, Núñez, Martínezen golei esker, Tempranoren bi geldiketa lagun eta elxetarren gol batekin. Susana Parejak hutsartea eskatu zuen Etxaburuk minutu gutxi aurretik ezarritako 5-1 defentsari aurre egiteko baina lehenengo lerroko jokalariek baloiak galtzen jarraitu zuten eta Patri Alonsok jaurtitutako baloiak Ana Tempranok urrundu zuen. Halere, Bera Bera ez zituen aukera horiek aprobetxatu, Elorzaren jaurtiketak Aguas atezainak galerazi zuen, Martínezek erasoan egin zuen falta eta Etxeberriak kanpora bidali zuen baloia. Azken minutuan, Menéndez eta Pinedo jokalarien artean baloia lapurtu zuten eta azken erasoan, Pinedok Segura jokalariari iskin egin zion, Ana Martínezek Valentziarren defentsan egindako zuloan sartu zuen baloia eta hegaleko internazionalak loratuz sarera bidali zuen berau. Bera Berak horrela irabaztea ez da ohikoa. Azken segunduen zain ez direlako egoten donostiarrak. Iazko denboraldian Valladoliden Bera Berak 40. minutuan 18-15 zegoen norgehiagoka irauli egin zuen eta bost minutuaren faltan 21-23 aurretik jarri arren Tempranoren geldiketak behar izan zituen puntuak urratzeko (23-24). 2013ko azaroan Bidebietan, Elche Mustang taldeari 2-10 irauli egin zion –hurrengo aurkaria etxean (larunbata, 12etan)- eta Menéndezek azken jaurtiketa huts egin ondoren, hiru segunduen faltan Tempranok gelditu zuen Mamen Rodríguezek jaurtitutako baloia (21-20). Eta azpitxapeldun gelditu zen denboraldian, Alcobendeasen eskuratu zuen Bera Berak matematikoki bigarren postua lehenengo aldiz eta Champions Leagueko atarian txartela. Orduan donostiarrak hamar minutuen faltan 23-20 atzetik ziren eta 25-26 irabazi zuten –Pinedok azken gola sartu zuen bi minutu falta zirela-. Bea Fernándezek kanpora bidali zuen azken jaurtiketa baina gipuzkoarrek ondo defendatu zuten Alcobendasen azken erasoa. Markagailua berdinduta edo gol bat atzetik, azken jokaldia gauzatzea balentria litzateke. Aurtengo otsailean, Telden Rocasarekiko gol average delakoari eusteko ez zen Imanol Álvarezen plangintza ondo atera ezta ere denboraldiko azken norgehiagokan –txapelduna zen dagoeneko Bera Bera- Leonen partida berdinduta zegoelarik. Bestetik, lehenengo liga lortu zuen denboraldian, laugarren jardunaldian, -partida berdinduta- erasoko falta adierazi zioten Elorzari Mecalia Guardésen aurka A Guardan. 2012ko urrian Bera Berak Elxen 22-21 galdu zuen atsedenaldian 13-9 zihoala. Orduan Elche Mustang taldean zegoen Ana Martínezek penaltia gauzatu zuen eta Elorzak elxetarren hesia ez zuen gainditzerik izan azken jaurtiketan. Azpitxapelketako denboraldian (2011-12), Itxakoren aurka bi partidak galdu zituen Bera Berak emaitza berdinarekin (26-27). Oso partida bikaina jokatu ostean Lizarrerian, defentsan oso segundu gutxi falta zirela baloia berreskuratu zuen Bera Berak, berdinketa eskura izan zuen Eider Rubiok baina langara bidali zuen penaltia. Eta Bidebietan, azken minutuetan 6-1 partziala lortu arren denbora falta izan zitzaion Bera Berari. Iraulketak Bera Bera iraulketekin hobeto konpontzen da. Izan ere, larunbateko partidak 2012ko martxoan Valentzian bertan jokatutakoa gogora ekarri zuen. Orduan donostiarrak, Reyes Carrere entrenatzailearekin, 17-13 atzetik ziren atsedenaldian, 40. minutuan, 21-17 eta bost minutu falta zirela gol bakar batera gerturatu zen (24-23) baina ez zen iraulketarik eman. Alacanten egun gutxi aurretik, Bera Berak Mar Alicanteren (atsedenaldian 15-13) aurkako partida irauli zuen bigarren zati erdialdean (24-28). 2011ko urrian Bidebietan garaiz esnatu zen Mar Alicanteren aurrean (atsedenaldian 11-13 eta 45. Min. 18-20), 24-22 irabazteko. 2012ko martxaon, Castro Urdialesen atsedenaldian 12-10 atzetik zihoala eta 40. minutuan 15-13, kantabriarrak (20-22) gainditu zituen Bera Berak. 2012ko apirilaean Rocasa izan zen Bidebietan. Atsedenaldian 17-18 aurretik, 40. minutuan 22-24 eta 3-0 azken partzialari esker 30-27 nagusitu zen Bera Bera. Eta iazko denboraldian, Imanol Álvarezekin, arestian aipaturiko Elcheren aurkako partida Bidebietam (21-20) eta Valladoliden Aula Culturalen aurrean (23-24).

26 Urria 2014

Partida amaitzeko hamar segundu falta zirela Eli Pinedoren gol bati esker Bera Berak Valentzian norgehiagoka irauli egin du, lidergoan bakarrik jarraitzeko bi puntuak eskuratuz, Canyalmelar 24-25 gaindituz (atsedenaldian, 14-11).
Bertako entrenatzaile Susana Parejak ohartarazi zuen, Bera Berak izerdia botako zuela iragarriz eta horrela izan da. Izan ere, hamaika minutu falta zirela donostiarrak 23-19 atzetik ziren eta Aitor Etxaburuk hutsartea eskatu du defentsa aldatzeko, Pinedo aurrean jarriz 5-1 sisteman. Eta asmatu egin du.
Elorza eta Pinedoren golek Bera Bera gerturatu dute (23-21). Halere, gipuzkoarrek ez dute baloia aprobetxatu gol bakar batera jartzeko eta Valentziak arnasa hartu du (24-21). Hortik aurrera Bera Bera estutu zuen eta Núñez eta Martínezen golei esker, sei minutu falta zirela, partidan sartu dira bete vetean (24-23). Tempranoren bi geldiketa jarraian Ana Martínezi norgehiagoka berdintzeko aukera eman diote. Bera Berak zailena eginda zuen. Halere, gehiago sufritu zuen, bi atezainak bikaian aritu direlako. 30 segundu falta zirela Etxaburuk hutsartea eskatu du azken jokaldia prestatzeko. Baloia Eli Pinedorengana iritsi da eta berau luratuz gola eta bi puntuak eskuratu ditu (24-25).
Bera Berak jakin bazekin El Cabañal pista zaila izango zela, bertan Mecalia Guardés gaizki pasatu zuen eta Rocasak puntu bat utzi zuelako. Partida Pinedoren bi golekin hasi da baina segituan Valentziak buelta eman dio (9. min, 6-3) Payá eta Sheila Segura jokalarien golei esker (bien artean, 16).
Donostiarrek aise galdu dute eta Canyamlearrek aprobetxatu du lehenengo zatian tartea gehiena lortuz (15. min, 9-5). Orduan Bera Berak Maialen Múgica aurkitu zuen eta zarauztarraren lau golek taldeari eutsi diote (atsedenaldian, 14-11).
Bigarren zatia aurrenekoa bezala hasi da, Pinedoren golarekin baina Valentziak aldea zabaldu du (16-12) Segura eta Patri Alonsori esker. Valentziarren partida osoan izan duten kanporaketa bakarra ondo aprobetxatzen jakin izan du Bera Berak (0-2) eta Etxeberriaren gol batekin, donostiarrak ondoan kokatu dira (38. min, 17-16). Halere, Valentziak arnasa hartzeko aukera izan zuen Etxabururen hutsartearaino, Bera Berak 1-6 partzialarekin partida irauli duelarik.
Merito handiko garaipena, jokoa ona ez delako izan eta defentsa beste egunetako mailara egon ez delako. Rocasak Valladoliden irabazi duenez lidergoan bakarrik daude gipuzkoarrak sailkapenean.

Fitxa Canyamelar Valencia 24, Bera Bera 25
Canyamelar Valencia 24 (14+10): Aguas, Payá (7), Alonso (4), Esterri, Segura (9), Morell (2), Gasulla (2), Amo, Bravo, Cañavera, E. Descalzo, P. Descalzo, Gutiérrez (o.a.)
Bera Bera 25 (11+14): Temprano, Etxeberria (2), Elorza (1), Menéndez (1), Núñez (2), Arrojeria (1), Ziarsolo, Pinedo (9), Múgica (6), Azanza, Ederra, Arizaga, Martínez (3) eta Zugarrondo (o.a.)
Epaileak: Vicente Peris (Andaluzia) eta Héctor Fraile (Valentzia)
Kanporatuak: Segura Canyamelar Valenciatik eta Elorza, Arizaga eta Martínez, Bera Beratik.
Partzialak: 2-2, 6-4, 8-5, 11-7, 12-7, 14-11 –atsedenaldia- 17-13, 19-16, 21-18, 23-20, 24-23 eta 24-25

24 Urria 2014

Arratsaldeko entrenaldiaren faltan, Bera Berak bihar Valentziara 14 jokalariekin egingo du bidaia Canyamelar Valencia taldearen aurka El Cabanyal pistan 19,30etan jokatzeko (Vicente Peris –Sevilla- eta Héctor Fraile –Valentzia-). Nobedade bakarra da deialdiatik Uxue Ezkurdia aterako dela.
Helvetia Alcobendasen aurrean lortutako garaipena ostean, etxetik kanpo partida zailak sumatu ditu Bera Berak. Bihar Susana Parejak zuzentzen duen taldea izango da aurkaria, Mecalia Atlético Guardés (27-30) estu hartu zuena eta Rocasari (23-23) puntu bat urratu ziona El Cabanyal pistan.
Izan ere, duela urte t’erdi, aurreneko Ligako denboraldian, Bera Berak 25-23 galdu zuen Elche Mustang taldearekiko aldea leunduz. Donostiarrak Valentziara itzuli ziren orain duela urtebete, Champions Leagueko bigarren jardunaldia Kroazian jokatu aurretik. Orduan Bera Bera sutsu atera zen pistara, Susana Parejak planteatu zuen 3-3 defentsa gaindituz (22-31).
Halere, valentziarrak indartu dira Patricia Alonso eskarmentu handiko jokalariarekin eta zutabe nagusienak dira, besteak beste, Dolors Esterri pibotea, Mireya Payá hegalekoa eta Sheila Segura zentrala. Valentziarrek 26,2 gol sartu dituzte bataz beste jokaturiko bost partidetan eta 28,2 gol jaso, kontutan hartuta sailkapenean dauden bost lehenengo taldeetatik lau izango dituela aurrean. Norgehiagoka bakarra irabazi du, Málagan hain zuzen (26-28) baina partida amaiera estuak izaten ohitu da.
Bestetik, Bera Berak 14 jokalari eramango ditu, Ana Martínezen belauna hobera doanez albiste ona da eta jokalari guztiek minutuak izango dituzte partida osoan taldea ahalik eta eraginkorrena izateko. Aitor Etxaburuk defentsa ematen ari den zenbakiak mantendu nahi ditu (partidako 17,4 gol jaso) eta ahal bada etxetik kanpo gol kopuruarekin jarraitu (33,5 gol).
Seigarren jardunaldia gaur 21etan Galizan irekiko da, Porriño eta Cleba León taldeen arteko partidarekin. Bihar norgehiagoka interesgarriak daude, batez ere, Valladoliden (18etan) non Bera Berarekin lidergoan dagoen Aula Cultural taldeak Rocasa –hirugarrena puntu bakar batera- hartuko duen.