Euskal Eskubaloi Federazioak senior, jubenil eta kadete ligatako egutegiak ezarri zituen lehengo astean. Irailaren 20an hasiko dira gazteen ligak, senior mailan, berriz, urriaren 4ean.
Ekainaren 27an Zarautzen ospaturiko Asanblada orokorrean Euskal Eskubaloi Federazioak 2020ko Euskal Kopa bertan behera uztea erabaki zuen eta hurrengo urteko lehiaketa abian jarri, irailean lehenengo fasea jokatuko delarik eta finala, aldiz, 20 21eko abuztuan.
Guerreras Iberdrola ligako txapeldun gisa, SUPER AMARA Bera Berak EHL (European Handball League) 2020-21an izena emateko urratsak osatu ditu EHF Cupen ordez prestatu den lehiaketan. Europako Federazioak txapelketen berritzeari ekingo dio denboraldi honetan.
Azken urteetako uztaileetan bezala, SUPER AMARA Bera Berako plantillarekin batera harrobiko jokalariak jarriko dira lanean aurredenboraldian, kasu honetan lau, bi senior eta beste bi, jubenil mailan arituko direnak.
Jokalarien zerrenda eta entrenatzaile zein laguntzaileena zehaztuta, ligako egutegia ezagututa eta irailren 4tik 6ra Kopa jokatzea aurreikusita, SUPER AMARA Bera Berak aurredenboraldia planifikatu du abuztuaren 12an aurreneko lagunartekoa jokatuko du Gascan Zubileta Evolution BM Zuazorekin eta Bilbon amaituko du abuztuko azken asteburuan.
