SUPER AMARA Bera Berak Tenerifen jokatuko du larunbatean Balonmano Salud taldearen aurka, Guerreras Iberdrola ligaren hirugarren jardunaldiari dagokion norgehiagoka. Iazko irailetik Kanariar Uharteetara bosgarren bidaia izango da. 20-21 denboraldian Lanzarote Arrecife taldearen aurka egin zuten ligako debuta, urrian itzuli ziren irlara Puerto del Carmenekin jokatzera eta maiatzean, birritan aste batean, Rocasaren aurka Ligan eta Teldeko Kopa ostean.
Gelato Orio Eskubaloiaren aurka Bidebietan bezperaz 13-16 galdu arren, igandean kanporaketa irauli zuen Lacturale Bera Bera kadete taldeak Orioko Karela Kiroldegian (22-25). Hau da, etxetik kanpo gol gehiago sartu zutelako lortu zuten donostiarrek Open Cup delakoaren hurrengo faserako sailkapena.
SUPER AMARA Bera Berak Costa del Sol Málaga gainditu du gaur Gascan Guerreras Iberdrola Ligarako aurkari zuzena azken minutuetan Fernandes eta Boada jokalariek golak egiten asmatu dutelako (24-22, 13-9 atsedenaldian).
SUPER AMARA Bera Berak Josean Gascan hartuko du larunbatean 18etan Costa del Sol Málaga, gipuzkoarren gaztetasuna eta andaluziarren esperientzia aurrez aurrre.
Euskal Eskubaloi Federazioak Open Cup delakoa martxan jarri du, hau da, Kopa moduko bat kadete, jubenil eta senior mailetan. Hortaz, bihar Bidebietan -400 pertsonentzako lekua bermatuta- Bera Bera eta Orio Eragin klubek kanporaketa batean hurrengo faserako txartela jarriko dute jokoan.
Lacturale Bera Bera Gelato Orio Eskubaloia hartuko du kadete mailan 10,30etan eta Sinergia Orio Eskubaloia jubenilean, 12,30etan. Senior taldeak, aldiz, hurrengo asteburuan hasiko da lehian.
