Zarautzen galduta, Euskal ligako Bera Bera senior taldeak Jarrilleras gainditu behar du igandean 12,15etan Gascan igoera fasea ziurtatzeko.
Harrobiko beste bi partida baino ez dira programatu, infantil mailakoak biak. Yoldi kiroldegian ospatuko dira igandean, neskak Bidasoa hartuko dute 10etan eta mutilek, 11,30etan Usurbil.
Málagako Carranque kiroldegiak Kadete mailako Kopa hartuko du asteburu honetan eta bertan izango da Lacturale Bera Bera, A multzoan Rocasa, Mecalia Atlético Guardés eta KH7 BM Granollers taldekide dituena.
Paula Arcos jokalari internazionalak klubari adierazi du gaur ez duela jarraituko super amara Bera Beran Europako talde baten eskaintza onartu duelako.
super amara Bera Berak titulua hizpide izango dituen play-offei apirilaren 29an La Arenan hasiera emango die, Motive.co Gijón talde izango baita aurkaria final-laurdenetan. Itzulera Josean Gascan maiatzaren 6an, larunbata (18etan). Play-offari begira ‘Indar urdina’ da aukeratutako leloa eta partida guztiak ikusi ahal izateko abonamendu berezia aterako du klubak.
Guerreras Iberdrola Ligako 22-23 liga erregularra atzo amaitu zen, beraz, zehaztuta geratu dira play-offetako final-laurdenak lehen zortzi sailkatuen artean. Ondorioz, Motive.co Gijón da super amara Bera Beraren aurkaria apirilaren 29an eta maiatzaren 6an jokatuko den lehen kanporaketan.
