Merezitako garaipen garrantzitsua lortu du Akaba Bera Berak, Mar Alicante taldearen aurka jokatutako partidu zail batean. Alakantarrak parekatuak ziren gipuzkoarrekin sailkapenean, eta ez dute erraz jarri gaurko emaitzaren lortzea; jadanik, Elda eta Vicar Goya taldeei irabaztetik zetozen, sineskorrak, baina Tati Garmendiaren jokalariak ametsa zapuztu die legez. Gipuzkoarrak 6:0eko defentsa sendoa erakutsi dute, joko luzea, serio eta arriskutsua eginez, tarteak bilatzen eta irekiz, eta alikantarren presio indartsua pairatuz, gora igoz eta Ana Petrinja (10 gol), nabarmenki, gogoz aurkako atea etengabe hautsiz. Petrinjak alboko posizioa bikain defendatu du pistalekuan, Matxalen Ziarsoloren bajaldia medio (bai eta Veronika Valverderen lesioak). Mar Alicanteari dagokionez, atezainen lan ona partidu osoan zehar nabarmenu behar dugu, nahiz markagailua kontra izan. 5:1eko defentsa jarri dute jokoan, eta Pinedo eta Garmendia kontrolatzen, bi jokalari bereizi. Indarra eta joku jarraia erakutsi dute, baina taktikako akats ugari erakutsi dituzte. Aurrera pauso handia suposatzen du garaipen berri honek Akabarentzat, talde zail eta arerio zuzen baten aurka lortutako emaitza ona dela kontutan izanik batipat.
Idatzi honen bidez Akaba Bera Beraren urrengo partiduaren berri eman nahi dizuet. Larunbatean izango da, Mar Alicante taldearen aurka, arratsaldeko 18,30etan, Pitiu Rochel kiroldegian. Ligako txapelketaren zortzigarren jardunaldia izango da, interesgarria nonbait, talde biak parekatuak bait dira sailkapenean (alakantar taldea, europear lehiaketarako txartel bat lortzera deitua da). Veronica Valverde, Esther Larreategi eta Libe Altunaren bajaldiei, Matxalen Ziarsolorena gehitzen da (belauneko lotailuko bihurdura minez).Gipuzkoarrak, ostiralean irtengo dira Alikanteruntz.
Zailtasunik gabeko garaipen zabala lortu du gaur Akaba Bera Berak Q. Perdoma kanariar taldearen aurka jolastutako ligako partiduan.Gipuzkoarrak kontrolpean izan dute topaketa hasieratik bukaera arte, baloi asko eskuratuz, azkartasunez igoz eta erasoan bikain agertuz. Tati Garmendia entrenatzaileak aldaketa asko egin ditu, jokalari gehienak pistan ahalik eta minutu gehien izan dezaten. Hasieran 6:0eko defentsa sistema jarri du jokoan, baina partidua aurrera joan den ehinean, 5:1ekoa aukeratu du, Raphaelle Tervel jokalaria aurreratuz, erasoan emaitz oso onak lortuz. Kanariar taldea berriz, 6:0eko defentsa atera du lehen atalean, baina gero jokalari batzuk aurreratu ditu Akabaren albolariak kontrolatu nahienan, nahiz eta ezin. Q Perdomaren defentsa xumea aurkituz, gipuzkoarrak hutsuneak aprobetxatu eta gogoz sartu dituzte golak,azkenean, 30-19ko aldeko emaitza lortuz.
Idatzi honen bidez gaur Suizako EHF-ren egoitzan egindako zozketaren berri eman nahi dizuet. Bertan, Akaba Bera Beraren urrengo aurkaria, europako errekoparen lehiaketan, LC BRUHL talde suizarra izango dela erabaki da. Gipuzkoarrak itxaropentsu hartu dute parekatze hau, izan ere, suizar taldea ez bait da txapelketa honen indartsuenetariko bat.Leiha honen urrengo partidua urtarrilaren 6an izango da Bidebietan, eta itzulia, kanpoan printzipioz, urtarrilaren 13an. Ligaren txapelketari dagokionez, Akaba bihar neurtuko da etxean Quintercon Perdoma taldearekin.Partiduaren epaile, Fernandez Baranda eta Gonzalez Grau arbitro euskaldunak izango ditugu.Lesioei gagozkiolarik, medikuek gaur bertan Libe Altunaren lotailuen apurketa baieztatu dute. Ebakuntza jasan beharko duen hala ez oraindik ez dute erabaki, baina, momentuz, jokatzerik ez du. Ez eta Veronika Valverdek eta Esther Larreategik, eta orain ere, Matxalen Ziarsolo, gaurko entrenamenduaren ondoren, belaunako lotailu zartadura minez bait dago.
Erabateko garaipen garrantzitsua lortu du Akaba Bera Berak Holandan, hasiberria den Beeker Fusiaren aurkako partiduan. Emaitza bikain honek gainera, ofizialtasuna ematen dio talde gipuzkoarraren europar errekoparen bigarren itzuliaren txartelari. Tati Garmendiaren jokalariak errenta handiarekin hasi dute partidua, izan ere, lehengo larunbateko norgehiagokan Bidebietan, Akabak 25 puntuko diferentzia eta aldeko emaitza lortu bait zuen, baina, hala ere, bi taldeek dena eman dute partiduaren azken minutu arte. Akaba Bera Berak defentsa (6:0) sendoa erakutsi du, joku luzea, tarteak bilatzen eta sortzen, eta erasoaldiak puntutan trebetasunez bihurtuz. Taldeko jokalari gehienak ondo aritu dira pistalekuan, baina zenbait jokaldi nabarmenen protagonista nagusi,Esme López izan dugu, Tati Garmendia eta Natasha Krinc gaztearekin lana batuz.Beeker Fusie talde holandarra 5:1 eta 6:0eoko defentsa sistemak tartekatu ditu, nekez saiatu da gipuzkoarren joku eta posizioen oreka eta indarra ahultzen, baina gehienetan ez du lortu ez eta aurkako atearainoko helduerak goletan bukatu.Beraz, aurrerako pauso berria europear liskarduran Akaba Bera Berarentzat, baina Ligako lehiaketa aurrera doala ahaztu gabe.Urrengo asteazkenean, Q.Perdoma izango du aurkari Akabak etxean. Gipuzkoarrak, astelehenean itzultzen dira Donostiara.