European Leagueko QR2 txapelketan Benfica gaindituta, MKL Funfloor Lublinen aurkako kanporaketaren datak eta ordutegiak zehaztu ondoren, super amara Bera Berak ‘txipa’ aldatu eta Guerreras Iberdrola Ligako bosgarren jardunaldiari dagokion partida du hizpide atzodanik, Conservas Orbe Zendal Porriñoren aurka (asteazkenean 20,30etan) jokatu beharrekoa.
super amara Bera Berak badaki noiz neurtuko dituen indarrak MKS Funfloor Lublin taldearen aurka, European Leagueko multzoen faserako txartela emango duen kanporaketa, alegia. Joanekoa Polonian izango da, azaroaren 10ean (igandean 18etan), baina Gascak izango du azken hitza, azaroaren 17an (igandean 12etan). Sarrerak salgai
Larunbatean Anabel Lee Camargo 74 taldea gaindituta, Bera Bera hirugarren kokatu da Zilarrezko mailako sailkapen nagusian, Basauri, Beti Onak, La Jota eta Loyola taldeekin bat eginda, Colores Zaragoza liderra bi puntu dituelarik. Igandean 12,15etan Bidebietan, Bera Berak Lauko Ermuko Errotabarri hartuko du.
Fitxa:
Saez, Urretabizkaia (3), A. Eguren (1), A. López (3), Vázquez, Briones (1), J. del Campo (4), M. del Campo (4), Azcue (6), Ruiz de Gauna (2), Lizeaga (1), Macicior (2), Tapia (2), M. Eguren (1), Sarriegi y Ulazia (p.s.)
Bestetik, Euskal Kopako finalerdian, Lacturale Bera Bera jubenil taldeak amore eman behar izan zuen Gran Camping Zarautzekin Gascan jokaturiko partidan.
Eta Gipuzkoako txapelketetan, senior mutilen garaipena baino ez.
Sufritzen jakin izan du super amara Bera Berak kanporaketa gainditzeko. Costa del Sol Malagaren aurka bezala, bi goleko desabantaila salbatu du azken minutuetan, partida berdintzeko (32-32) eta Lisboan lortutako abantailari esker European Leauguen jarraitzeko, Poloniako Lublin aurkari azaroan. Maitane Etxeberriaren golak arnasa eman dio Gascari, berdinketa suposatzen zuelako eta ez zegoen denborarik Benficak kanporaketa penaltietara eramateko. Emaitza osoa (62-60).
Larunbata jai eguna izan arren, harrobiko talde gehienek jardunaldia izango dute goizeetan badira ere. Zilarrezko mailan, Bera Berak Kantabrian jokatuko du, Anabel Lee Camargo 74 taldearen aurka 20etan da, sailkapenean lau puntu dituena donostiarrak adina. Beste hitzordu interesgarria Euskal Kopan dago, izan ere, jubenil mailako finalerdia jokatuko baitute Lacturala Bera Berak eta Gran Camping Zarautz taldeek Gascan, larunbatean 9,30etan, Europako norgehiagoka aurretik, alegia.
