Datorren larunbatean 19:30 tan Akabak ligako titulua lortzeko gai den talde baten aurrean bere indarrak neurtuko ditu. Balentziako taldea Bidebietara jokalari atzerritar aipagarriekin dator: Sousa, Teodorovic, Chana, Begarie, Ludvic, Ciboutaru, Ejsmont eta Halen, eta estatutoko jokalari internazionalak ere, Sánchez, Arroyo, Pareja, Navarro eta Andreu. Partiduan lehia nabaria izango da bi taldeak sailkapenerako borrokan sartu nahi dutelako. Donostiakoak talde osoarekin jokatzeko aukera izango dute eta Balentziakoei ustekabean harrapatzeko ahalmenak egingo dituzte (ez da lehen aldia izango). Epaileak galiziako Fernández Piñeiro eta Permuy Villanueva internazionalak izango dira. Bera Berak partidu polit hau ikustera jendea animatu nahi du, denon laguntzarekin garaipen bat lortzeko asmoarekin. ¡¡¡ AUPA BERA BERA ¡!!. Frantziako selekzioa Baionan aurkitzen da Europako txapelketa prestazen eta partidu hau ikustera hurbilduko dira.
Donostiakoak Eldan jokatzen dute larunbatak 9, 18:30 tan , partidu korapilatsu bat izango Akabaren helburuentzat. Elda taldeak kanpaina ezin obea burutzen ari da, liga txapelketaren lehen postua lortzeko gaitasuna duela frogatuz, punturik galdu gabe eta joan den asteazkenean Ferrobus indartsua gaindituaz. Jokalari ezin obeak daude talde honetan, aipagarriak Aitziber Elejaga atezaina eta Susana Fraile jaurtitzailea eta hauen ondoan Box, Verdu, Sánchez, Ortuño, Benavent, Pinto eta Pavlyk, Soit eta Turnhout atzerritarrak. Akaba taldeak bidaia talde osoarekin egingo du Vanesa ez ezik, bere sorbaldako lesioa zaitzen geratuko da Donostian. Bera Berako jokalariak ezuzteko emaitzarekin itzuli nahi dute, baina aurreko denboraldian donostiakoen aurka galdu zutela gogoan izanik ez dute partidua oharkabetuko. Epaileak kataluinako Garcia Villaraco eta Monge Arroyo izango dira.
Akabako hiru jokalari izan ziren Jose Aldeguer selekzionatzailearen konzentraziotara joandako jokalariak aurten Dinamarkan ospatuko den Europako lehiaketara eramango zuen taldea erabaki aurretik. Tati eta Vanesa ez daude azken deialdian, baina selekzionatzaileak bi jokalari hauek kontuan hartuko ditu hurrengo konpromisuetan. Azaroak 10 etik 13 ra Pariseko txapelketan parte hartuko dute, Hungaria, Jugoslavia eta Frantziaren aurka jokatuz, selekzio oso indartsuak, Danimarkan azaroak 28 tik abenduak 16 arte ospatuko den Europako lehiaketa prestatzeko aproposak. Esmeri zorte ona opa diogu, amatasuna behar bezala eta berehala gainditu ondoren, talderako eta selekziorako prest izan dugu espero genuena baino lehen.¡¡¡ ZORTE ON!!!
Aste buru honetan 2. Nazional taldeak Bidebietan jokatuko du, igandeak 10, 12:00 tan Bergararen aurka. Partidua interesgarria izango da, bi talde hauek maila honetan aurrez aurre jartzen diren lehen aldia denez. Kadeteak eta jubenilak zarautzera doaz, larunbatak 9 an, 10:30 tan eta 12:00 tan Alaia taldearen aurka jokatzeko. Partidu hauetan norgehiagoka interesgarria izaten da beti.. Etxeko taldean eskubaloia oso finkatua dago betidanik eta probintziako oinarri garrantzitsuenetako bat da.
Donostiakoak nahi baino gehiago sufritu zuten Sabadell´en garaipena lortzeko. Akabak sailkapeneko lehen postuetan jarraitzen du garaipen honen ondoren. Partidua defentsan erabaki zen igo berri den Arrahona talde liskargile baten aurrean eta sekulan ez zuen partidua galduta bezela eman. Donostiarrei leporatzeko akats bakarra erasoko jokaeran izan zen, markagailuan aldea egiteko aukera atezainaren aurrean erratutako baloiekin galdu ondoren. Horrez gain defentsan erakutsitako potentziala bikaina izan zen eta Arrahonak azken 15 minutuetan gol bakar bat sartzea lortu zuen. Atsedenera 12-11 emaitzarekin iritxi ziren eta gol gehien lortu zituzten jokalariak Tati Garmendia eta Eli Pinedo izan ziren, 3 golekin. Ala ere datu bezela bederatzi jokalariek lortu zute golen bat sartzea. Hurrengo partidua asteazkeak 6 an izango da F.C.C.Itxakoren aurka,20:00 tan Bidebietan. Epaileak madrileko Gorion Avila eta Rios Martin izango dira.Hemendik zaleak eta jendea animatzen dugu gure taldea ikustera etortzeko eta denon artean garaipena lortu dezagun. ¡¡¡ANIMO!!!.
