Larunbata honetan, irailak 22, Akaba Bera Berak ligako hirugarren partidari aurre egingo dio Puertodulce Roquetasen aurka. Partida arratsaldeko 19:00tan izango da Roquetaseko (Almeria) Infanta Cristina kiroldegian. Taldea osteguna gauean aterako autobusean bertara ostiral eguerdirako iristeko, hamalau orduko bidaiaren ostean nahiko errekuperazio orduak edukitzeko.
Roquetas eskubaloi taldeak bere hirugarren denboraldia du ABF Surperligan, iazko denboraldian errebelazio taldea izan zelarik Erreginaren Koparako sailkatu baizen bere bigarren denboraldian goi mailan. Talde gaztea maila honetan, baino bere joku kalitate onari esker, irabazteko zaila den taldea bihurtu da. Ondo orekatutako jokalariz osatuta du bere lerro guztiak, hainbat internazionalak izanik bertan, non, lehenengo lerroan Edyta Dobrzynska poloniarra (ezker albokoa), Aline Da Conceiçao brasildarra (ezker albokoa) oso jokalari handia eta indartsua, eta Isabel Bastero galiziarra (eskubi albokoa) jaurtitzaileak nabarmentzen dira. Baita ere, beste jokalari garrantzitsuak ematen diote taldeari nortasuna, atezain brasildarra eta internazionala Jaqueline Oliveira eta Kroaziako internazionala Tihana Saric pibotea (Astroc-eko eta Cementos-eko jokalari ohia),honek, izugarrizko garaiera izanik 1,92, oso arriskutsua da 6 metroko lerroan baloi asko jasotzen baititu, arazo nahikoak sortzen defentsari.
Hortaz, oso partida zaila Akaba Bera Berarentzat, intentsitate handiarekin jokatzera behartuta egongo da bi puntuak etxeratzeko.
LIBE ALTUNA
Atzoko entrenamenduan Libe Altunak lesionatuta zuen belaunean min hartu zuen, datozen egunetan jakingo da lesioaren garrantzia, orain zer edo zer handituta dauka eta ezin da garbi jakin.
Bi taldeen arteko lehiaketa partidaren lehenengo uneetatik erabaki zen Akaba Bera Beraren alde. Partidako epaileek hasiera eman orduko, etxeko taldeak 5-0ko partzialarekin aurreratu zen, partida osoan zehar diferentzia hau mantendu zelarik. Defentsa oso itxia eta albokoei sankotasunarekin jokatuz, Akaba Bera Berak hainbat baloi berreskuratu zituen, gero, kontraeraso azkarren bitartez goletan gauzatzeko. Erasoan, berriz, jokalarien mugimendu azkarrak, gehienetan golean bukatzen zirelarik, joku bizia eta ikusgarria eman zioten partidari Bidebietako kiroldegian. Honen adibide garbia, pistara atera ziren jokalari guztiek gola lortu zutela.
Beraz, larunbatean, Akaba Bera Berak arazorik gabe bereganatu zituen denboraldi honetako bere lehenengo bi puntuak. Urrengo zita datorren larunbatean, irailak 22, izango da Roquetas taldearen aurka Almerian.
AKABA Bouberet, Rubio (2), Garmendia (5), Pinedo (5), López (3), Ziarsolo (3), Agirre (3) -hasierako zazpikoa- Petrinja (3), Valverde (1), Mínguez (2), Puche (2), Krink (3) eta Sanromán (1).
ELCHE MUSTANG Van Der Wal, Cabezas (2), Andreassen (3), Andersen (7), Anton, Garrido (2), Rosique (3), Camara -hasierako zazpikoa- Tur, Sola, Martínez (1), Fernández (2), Nebelcu (2) eta Vicente (2).
markagailua 5 minuturo: 5-0; 6-2; 8-3; 9-5; 12-5; 16-7 (atsedena); 18-10; 20-12; 23-15; 25-17; 29-20; 33-34 (amaiera)
Epaileak: Eraso eta Ordoki, Nafarrak. Kanporaketak Akabaren aldetik: Valverde, Garmendia eta Agirre. Eta Elcheren aldetik: Tur eta Cabezas
Irailaren 15ean, larunbata, Akaba Bera Berak ligako partida jokatuko du Bidebieta kiroldegian arratsaldeko 19:00tan, Elche Mustang Ohorezko mailara igo berria den taldearen aurka. Orain dela bi denboraldi goi mailan jokatutako taldea dugu, eta orduan, beste emaitzen artean Akaba Bera Berari 22ko berdinketa bat atera zion bere etxean.
Elchek ohorezko mailari aurre egiteko, elitean eskarmendu zabala duten jokalariak fitxatu ditu nabarmenenak, besteak beste, hauek direlarik: Susan Andersen (Akaba Bera Bera eta Vicar Goyako jokalari ohia), Cristina Cabeza (Vicar Goyako erdilaria), Marieke Van Der War (atezaina, Holandako selekzioko jokalaria), eta Tere Tur (Albokoa, Sagunto Bmko jokalari ohia). Hortaz, nahiz eta igo berria izan, ikusteko dago zer nolako maila erakusten duen.
Akaba Bera Beraren aldetik, Rafhaelle Tervelen eta Libe Altunaren baja ziurrekin jarraitzen du. Aldiz, baliteke partida honetarako Patricia Pinedoren parte hartzearena gauzatzea. Berri ona da pixkanaka taldea osatzen ari baitira eta. Honekin, lehenengo partidan bi puntu garrantzitsuak galdu ondoren, oraingo honetan berriz ez errepikatzea espero da. Gauzak horrela, intetsitate handiko partida ikusteko aukera izango da Bidebieta kiroldegian larunbata honetan.
Ohorezko mailako partidaren aurretik jubenil mailako lagunartekoa ikusi ahal izango da Bera Bera eta Askartza taldeen artekoa. Arratsaldeko 16:30tan Bidebieta kiroldegian
Larunbata honetan, irailak 8, ABF txapelketaren 2007-2008ko denboraldiaren hasiera ofizialari emango zaio. Akaba Bera Berak Santanderreko Marina Park-en aurka hasiko du konpetizioa, gaueko 20:00tan Cantabriako kapitaleko La Albericia kiroldegian. Aurrez, inongo arazorik eman behar ez duen aurkaria izan daiteke, hain zuzen ere, arrazoi honengatik gure taldeak ezingo du arreta inoiz galdu.
Denboraldi berri bat hasiko da eta honekin batera erronka berriak klubarentzat. Hauen artean, aurretik lortutako garaipenak errepikatzeaz gain, beste urrats bat eman nahi da eta lortutakoa hobetu. Beraz, gure helburuak izango dira Europako Errekopako final laurdenetara iritsi, ligako txapelketan pixka bat gorago joan eta nola ez, Kopako finala berriz jokatu. Ezbairik gabe, asmo handiak baino taldeko jokalariek borrokatzeko prest daudenak.
Plantila bat jokalari berri eta garrantzitsuenekin:
Montse Puche, erdilaria, jatorria, Astroc Sagunto. Internazionala
Yolanda Sanroman, erdilaria – albokoa, jatorria, Itxako. Internazionala
Eider Rubio,erdilaria, jatorria, Elda Prestigio. Internazionala
Johana Bouveret, atezaina, jatorria, Mios (Frantzia). Internazionala
Patricia Aisa, atezaina, jatorria, Kukullaga (Bizkaia)
eta azkenik, Reyes Carrere-ren etorrera
Marina Park-en aldetik esan, iaz txapelketako 12garrena bukatu zuela denboraldia, dena den, igo berria zenez bere helburu nagusia maila mantentzea izan zen. Beraz, aurten ikusi beharko da nolako taldea moldatu duen, eta bere fitxaketa berrien artean María Neghea ezker albokoa eta Elena Ivan pibote errumaniarrak nabarmentzen dira. Baita esan, ezkerreko egalean jokatzen duen Itxaso Egaña oñatiarra, eta Akaba Bera Beraren jokalari ohia, dagoela ere.
Akaba Bera Bera-ren aldetik, frantziako internazionala den Rafhaelle Tervel eta Libe Altuna zarautztarraren baja ziurrak izango dira. Aldiz, Patri Pinedo internazionalaren parte-hartzearen zalantza dago oraindik eta azkeneko entrenamendu arte ez da erabakiko taldearekin bidaiatuko duen ala ez.
Beraz, ilusio eta gogo handiarekin hastera goaz erronka berri hau.
