09 Martxoa 2017

SUPER AMARA Bera Berak Malagoko El Carranquen jokatuko du larunbatean (18,30etan), Loterías Ligako pistarik zaileenetarikoa. Marta Lópezentzat “partida berezia” izango da, jakina, “bederatzi urte eta gero hasi nintzen taldearen aurka jokatuko baitut”. 18 urterekin hegaleko jokalaria Alconbendasera abiatu zen eta orain pozik dago egun Rincón Fertilidad Málaga taldea Loterías Ligan egotea, orointzapenen artean nabarmen mantentzen baitira “jubenila nintzenean bi igoera fase jokatu genuen baina ez genuen lortu ohorezko mailan aritzea, horregatik talde horren kontra jokatzeko irrikan nago eta zentzu batean nostalgia ere bai”. Marta Lópezek Rincón Fertilidad indartsua ikusten du. “Bere garaian esan nuen oso jokalari onak fitxatu zituztela, gainera kementsuak dira, han egon nahiz eta badakit zer den eta Ligako lehen zatian gorabeherak izan arren, orain sasoian daude, Rocasa, Porriño eta Zuazo gainditu dituzte, ondorioz, partida oso zaila izango da Málagan goian egoteko taldea duelako”. SUPER AMARA Bera Beraz hegaleko internazionalak onartu du Aularen aurka galdu ostean “bolada txarra pasatu dugu baina sentsazioak berreskuratzen saiatzen ari gara eta azaroko mailara heltzeko”. Marta Lópezek “ondo” ikusten du taldea “baina, zentzu batean malezia falta zaigu”, hortaz, “beroketa hasten dugunetik adi egon behar dugu partida gogorra eta beroa izango baita”. “Defentsen lana estua izango da alde batean edo bestean, horregatik, konzentrazioa mantentzea ezinbestekoa izango da, baloi galduen kudeaketa bezala eta Nuria Benzal eta Paula García pibotearen arteko jokua bezala”. SUPER AMARA Bera Beraren etorkizuna Ligan finkatuko duen partida den galdetuta, bere iritziz, “gure helburua guztia irabaztea da eta sentsazioak berreskuratzea”. Gipuzkoarrek tartea mantenduz gero, Mecalia Atlético Guardésekiko bi puntuak, galizarren egutegia da estutzen joango dena: Porriño eta Zuazo etxetik at eta Rocasa eta SUPER AMARA Bera Bera etxean. Horregatik, Marta Lópezek dio “huts egiteko aukera bakarra badugu nahiago dut A Guardan izatea eta ez Liga erraztea”.

08 Martxoa 2017

Bera Bera Eskubaloiko arduradun Tati Garmendiak eta Komunikazio arduradun Jabier Oterminek goizean Gipuzkoako foru aldundian antolatu den World Kafean parte hartu dute, Emakumeen nazioarteko egunaren bezperan. Emakumeen eta Gizonen Berdintasunerako Organoak aurrera eramen du ekimena Berdintasuna eta Kontziliazioa titulupean. World Kafearen metodologian, Foru Aldundian 120 pertsona inguru elkartu dira, 14 mahaietan banaturik, hasieran oztopoak izendatu dituzte, ondoren kontziliazioa sustatzeko ekintzak zehaztu dituzte eta arlo honetan erronka bat identifikatu dute. Ekimena oso positiboa da eta ekarpenak Gipuzkoako Foru Aldundiaren lehen Ardura Partekatuaren eta Kontziliazioaren Foru Plana loratuko dituzte. Aldun nagusi Markel Olanok itxi zuen jardunaldia martxoaren 8aren inguruko deklarazio instituzionala irakurriz. Argazkian, Emakumeen eta Gizonen Berdintasunerako Organoko zuzendari Miren Elgarresta eta, atzean, Tati Garmendia

08 Martxoa 2017

Horrela berresten dute Donostia Kirolak gai honi buruzko egindako laugarren ikerketaren emaitzek. Azterketa honek taldekako kirol modalitatetan parte hartzen duten taldeak aztertu dira (futbola, saskibaloia, eskubaloia, hockeya, boleibola, waterpoloa, errugbya, izotz hockeya, softbola, curling eta areto futbola) eta baita atletismoa eta igeriketa ere, kluben arteko maila ezberdinetako lehiaketa baitago kirol hauetan. Ikerketa honen emaitzen arabera, gaur egun Donostian zortzi dira goi-mailan dauden emakumezkoen taldeak: Bera Bera (eskubaloia), Real Sociedad (belar hockeya eta futbola), IDK-Gipuzkoa (saskibaloia), Atlético SS (atletismo eta softbola), Txuri Urdin (izotz hockeya) eta Txuri Berri Curling (Curling).
Datu horrek, kirol horietako maila altuenean emakumeen taldearen bat duten Estatuko 77 hirien sailkapenean hirugarren postua ematen dio Donostiari (8) (zenbaki absolututan), bakarrik Bartzelonak (13) eta Madril-ek (13) gaindituta. Goi mailako emakumeen taldeen kopurua herri bakoitzeko biztanleriaren arabera aztertzen badugu, Donostia lehen postuan dago Estatutuko hiriburuen artean, 22.522 biztanleko talde batekin, talde kopuru gehien dituzten hiriburuetako datuetatik oso urruti (Bartzelona 123.879 biztanleko talde bat eta Madril 248.769 biztanleko talde bat). Bigarren postua Gironak hartzen du (bi talde), 48.793 biztanleko talde baten ratioarekin.
Euskal Herriko gainontzeko hiriburuekin alderatuta, Donostia lehen postuan kokatzen da, bai taldeen kopuruari dagokionez baita biztanleko taldeen ratioari dagokionez ere. Gehien hurbiltzen den hiria Gasteiz da, 3 taldeekin eta 82.104 biztanleko talde bat, gero Iruña bi taldeekin eta, azkenik, Bilbo talde bakar batekin.
Goi-mailako neska kirolariak
Emakumezkoen taldeei buruzko ikerketa honen emaitzez gain, ezin da aipatu gabe utzi banakako kiroletan 2016. urtean zehar Espainiako zein nazioarteko txapelketetan emaitza bikainak lortu dituzten beste goi-mailako neska kirolari batzuk: Naroa Agirre, Nora Orduña, Trihas Gebre, María Mujika eta Uxue Fraile (atletismoa), Clara Azurmendi, Nerea Díaz, Blanca Ibeas eta Miren Azkue (badmintona), Naroa Perez, Carla Perez, Paula Lasarte, María Fraile eta Violeta Orlando (gimnasia erritmikoa), Aiora Arrillaga (judoa), Ainhoa Olarra (Golf), Irati Goikoetxea, Miren Lazkano, Irene Egües, Irene barba, Olatz Arregi, Amaia Mediero, Marta Barba (piraguismoa), Enara Ibarburua, Olatz Garmendia (Kayak-Surf) eta Ane Zulaika (SUP).
Donostiako emakumeen kirolaren osasun ona hau, emakumeen artean kirola bultzatzeko lanean ari diren hiriko kirol klub ugariren lanaren ondorioa da. Donostia Kirolak klub hauek laguntzen jarraituko du ekintza ezberdinekin, besteak beste, emakumeen kirolari presentzia gehiago emateko ekitaldiekin, dirulaguntzak emateko zein kirol guneen erreserbak egiterakoan lehentasunezko irizpideak mantenduz edo goi-mailako taldeei dirulaguntzen kopurua handitzea (2017. urtean 130.000€ banatuko dira talde hauen artean).

08 Martxoa 2017

Asteburu luzea izan zuen Bera Bera senior taldeak, ostiralean zeraman aldea galdu zuen Portugaleten bertan behera gelditu zen partida amaieran, hortaz, Bidebietan konpondu beharko du Aiala (larunbatean, 17,45etan) eta Indupime Basauri taldeen aurrean igoera fasea antolatu nahi badu. Garaje Axiri Pulpo aise gainditu zuen (38-12).
Bestetik, beste behin, hirugarren aldiz, Bera Bera Urdina jubenil nesken taldeak Tecnifuelle Elgoibar gainditu zuen Elene Vázquezek azken segunduan sartutako golari esker (25-24). Hortaz, lidergoan da sei puntuekin.

gazkiak Bera Bera senior
Argazkiak Bera Bera jubenil Urdina neskak

Emaitzak
Larunbata, martxoak 4
Infantil mutilak Amenabar vs Bera Bera Urdina
Kadete neskak Bera Bera Laranja 17-15 Arantzazuko Ama KE
Senior neskak (Euskal Liga) Bera Bera 38-12 Garaje Axiri Pulpo
Jubenil neskak Untzilla Abokatuak 25-24 Bera Bera Laranja
Kadete neskak Usurbil KE A 12-27 Bera Bera Urdina

Igandea, martxoak 5
Infantil neskak Bera Bera Urdina 29-19 Orio Ikastola
Infantil neskak Bera Bera Txuria 28-25 Pitch Bidasoa B
Kadete mutilak Bera Bera Urdina 33-29 Leizaran Imatel
Infantil neskak Bera Bera Laranja 33-26 Modeltek Elgoibar
Jubenil neskak (Euskal liga) Bera Bera Urdina 25-24 Tecnifuelle Elgoibar