Jokuan puntu beharrik egon ez arren, Super Amara Bera Berak partida serioa jokatu du gaur BM Morvedre (30-16) taldearen aurka Liga berri bat ospatzeko, gainera Donostiako alkate Eneko Goiak eta Espainiako Eskubaloi Federazioko presidente Francisco Blázquezek garaikurra eman dio taldeari.
Ordizian, Yoldin eta Bidebietan izango dira Bera Bera Eskubaloiko harrobiko taldeen partidak. Horrez gain, igandean 10etan Beraungo frontoian eskolak lagunartekoa izango du Ereintzarekin.
Oraingoan bai, milagarren partida jokatuko du bihar Super Amara Bera Berak eta, gainera, Guerreras Iberdrola 21-22 Ligako txapeldunen garaikurra jasoko du, aurreko bi urteetan ez bezala, une hori zaleekin partekatu ahal izateko berezitasunarekin, BM Morvedre taldearen aurkako partida ostean (Gascan, 21,30etan Daniel Toro eta Albert Pérez, kataluniarrak).
2022-23 denboraldiari begira, Super Amara Bera Berak ez ditu María Prieto O’Mullony, Ainhoa Etxeberria eta Mirene Moreno jokalarien kontratua berrituko, ondorioz, Elisabet Cesáreorekin batera ez dira hurrengo plantillaren kide izango.
Denboraldia amaituta ere, eskubaloiak jarraipena izango du Bidebietan, izan ere, Bera Bera Eskubaloiak maiatzaren 30etatik ekainaren 17ra arte entrenaldiak egiteko aukera emango die aukera 2014 eta 2009 urte bitartean jaiotako neska-mutilentzat.
Hau da, 2014-2011an jaiotako neska-mutilentzat astelehenetan 17,30etatik 18,30etara eta ostiraletan, 18etatik 19etara izango da hitzordua. 2010 eta 2009an jaiotako neska-mutilek, berriz, astelehenetan 18,30etatik 19,30etara eta ostegunetan, 17:30etatik 18,30etara
Saioak dohakoak dira (pistan sartzeko kirol txartela edo eguneko sarrera ordaindu beharko da bakarrik).
Kontaktua:
