Akabak garaipen erraza lortu zuen atzo Ligako azken sailkatuaren etxean. Lehenengo minutuetako oreka apurtu bezain pronto, talde donostiarra abantaila handitzen joan zen partida aurrera joan ahala.
Bigarren zatian eroso ibili ziren Tati Garmendiaren neskak, Ciobanu atezainaren gelditu bikainei esker eta horien ondorioz ateratako kontraerasoak zirela medio.
Idatzi honen bidez Akaba Bera Beraren Ligako urrengo partiduaren berri eman nahi dizuet. Asteazken hontan izango da, urtarrilak 10, arratsaldeko zazpiretatik aurrera, Bidebietako kiroldegian eta BM Gijon taldearen aurka. Neurketa aurreratua dugu hau, gipuzkuarrak, ostiral eta larunbatean europako txapelketari aurre egin beharko bait diote etxean, Bruhl talde suizarraren aurka jokatuz. Asteazkeneko partiduari begira eta lesioen atalari dagokionez, gogorarazten dizuet Esther Larreategi eta Libe Altuna jokalariak bajaldian jarraitzen dutela. Bestetik, Esme López, Izaskun Arruzazabala eta Matxalen Ziarsolo, zenbait kalte fisiko medio, bakarka garatu behar izan dituzte azken asteko entrenamendu saioak. Nolanahi ere,Tati Garmendiak azken hiru jokalari hauek Gijonen aurkako neurketarako prest izango direla uste du. Asturiar taldeak, 7 puntu lortu ditu dagoeneko Ligako lehiaketan eta hamabigarren postua okupatzen du sailkapen nagusian. Urrengo partidu hau, Fernandez Baranda eta Gonzalez Grau arbitro euskaldunak izango ditu epaile.
Akaba Bera Beraren fitxaje berria gerta daitekeen jokalari baten berri eman nahi dizuet.MIRJETA BAJRAMOSKA (Mazedonia, 1984-11-22) lateral ezkerra da. Altuera, 1,79 eta 71 kiloko pisua du.Bere jatorrizko kluba EUROSTANDARD GJ.P (Mazedonia) da. Bere garapen profesionalari dagokionez, 20 aldiz internazionala izan dela nabarmendu dezakegu.
Bestetik, Akaba Bera Berak adiskidetasunezko partidu bat jokatuko du ostegun honetan, abenduak 28, arratsaldeko 18,30etan, Itxakoren aurka, Noainen. Tati Garmendia entrenatzaileak jokalari guztiak izango ditu prest jokatzeko, Esther Larreategi eta Libe Altuna ezik (bajaldian jarraitzen dute).
Euskadiko koparen txapelketaren finala dela eta, Akaba Bera Berak, datorren asteazkenean, eguerdiko hamabietan, BM Bruesa (nazional gorena) talde ermuarraren aurka jolastuko duen partiduaren berri eman nahi dizuet. Neurketa, Ermuako Miguel Angel Blanco kiroldegian izango da. Bitartean, Akaba Bera Berak entrenamendu saioekin jarraitzen du egun hauetan; Verónica Valverde, Esther Larreategi eta Libe Altunaren bajaldiez gain, Patricia Pinedo eta Esme López espainiar selekzioarekin lanetan eta Raphaelle Tervel frantziar selekzioarekin zereginetan, taldea erabat murriztua gelditu da. Hau gutxi balitz, Tati Garmendia entrenatzaile bera ere zertxobait minduta gelditu da azken entrenamendu saioen ostean. Egoera hau izanik, hasiera batean hitzartutako adiskidetasunezko partidua (larunbatean Burdeosen) Merignac taldearen aurka zizntzilik utzi behar izan dute.
Ainara Luque Garcia, Bera Berako kadeteren jokalaria, Euskadiko Selekzioarekin, “Jesús Mª Lopez Sanzen” Txapelketan parte hartuko du Iruñan, abenduaren 6ean.
Txapelketa ondoren, Gasteizen kontzentratuko da, abenduak 7 eta 8an.
Maria Gracia Vallejo, Bera Berako jubenilaren jokalaria, Euskadiko Selekzioarekin parte hartuko du, Madrilen, Abenduak 6, 7 eta 8an jokatuko den Lurraldeko Selekzioaren VI. Txapelketan
