14 Ekaina 2012

Emakumeen eskubaloiko Espainiako prestatzaile Jorge Dueñasek publikoki egin zuen atzo aurreneko zerrenda Joku Olinpikoak prestatze aldera. Bertan Eli Pinedo, Patricia Elorza eta Bea Fernández daude.

Dueñasek deitu dituen 18 jokalariak ekainaren 24ean elkartuko dira eta uztailaren 4rarte lana egingo dute Andorran. Hortik 16 jokalariek osatutako zerrenda burutuko dute baina Londresera 14 bakarrik joan daiteke. Ondorioz Bera Berako Pinedo eta Elorza eta datorren urtean Fleury taldean arituko den Bea Fernández Joku Olinpikoak gertuago dituzte.

Zerrendan Nely Carla donostiarra ere agertzen da eta nobedadeak BM Alcobendase taldeko Mireya González lateral ezkertiarra eta Mar Saguntoko Beatriz Escribano zentrala dira.

13 Ekaina 2012

Emakumeen eskubaloi ligan Bera Bera Eskubaloiak utzi dizkigun datuen hirugarren irakurketa eginez, esan daiteke lortutako hiru goletik bi baino gehiago kontraerasoetan eta barneraketan iritsi direla. Izan ere, golen %35a kontraerasoen bidez gauzatu ditu Bera Berak eta hirutik bat barneraketak erabilita. Horrez gain, kanpoko jaurtiketak %14a suposatu da; pibotea, %8a eta penaltiz, %10a. Talde teknikoak jasotako eta aztertutako datuen arabera, erasoan Bera Berak guztira %63ko portzentajea lortu du. Jaurtiketak eman diren lekuei erreparaturik, zazpi metrotatik %79tan asmatu egin dute; kontraerasoen, %76a; pibotean, %69a; barneraken, %60a eta kanpoko jartiketen, %42a. Eli Pinedo izan da kontraeraso gehien gauzatu duena, bide azkarra erabili du sartu dituen golen %60an. Jokalari internazionala partida guztietan gola sartu duen jokalari bakarra ez ezik barneraketan ere trebea izan da. Matxalen Ziarsolok (%59) eta Melinda Bertak (%55) ere gol gehienak kontraerasoetan lortu dituzte, Dara Carvalho trebea izan da joku azkarrean, nahiz eta brasildarren %57ko goleak pibotean sartu. Azkenik, Eider Rubiok barneraketa gehien gauzatu dituen jokalaria da eta Bea Fernández kantabriarrak, kanpoko jaurtiketan. Bi jokalari hauek penaltien ardura beregain hartu zuten, donostiarrak %80ko portzentajea lortu zuelarik.

08 Ekaina 2012

Rakel Varelak Euskadiko prestatzaileak 14 jokalari deitu ditu larunbatean eta igandean Lleidako Agramunt herrian burutuko den V. Nazioen Kopan parte hartzeko. Euskal selekzioak bihar, arratsaldeko 7etan, Galiza izango du aurrean, txapelketa arratsaldeko 5etan Catalunyak eta Britain Handiak irekiko dutelarik. Igandean, goizeko 10etan, hirugarren eta laugarren postua izango dute jokoan eta finala, eguardiko 12etan. Andoiango zentrala Nagore Arizaga izango da Bera Bera Eskubaloi taldeko jokalari bakarra. Joku Olinpikoak, nekea eta ikasketak galerazi dute Bera Berako jokalari gehiago izatea deialdian. Euskal Selekzioko partaideak dira: Ainhoa Azaola (Kukullaga) Ainhoa Hernandez (Zuazo) Enara Bayón (Kukullaga) June Castaños (Kukullaga) Leticia de Pedro (Eharialdea) Nagore Arizaga (Bera Bera) Nahia Galarza (San Adrian) Nerea Elicegui (Basauri) Oihane Gil (Zuazo) Oihane Gómez (Elgoibar) Patricia Aisa (Kukullaga) Silvia Rodríguez (Kukullaga) Tania Yañez (Castro) Yanire Etxabe (Kukullaga) Gipuzkoa infantil mailako selekzioa Bera Bera Eskubaloi taldeko Nahia Arana jokalaria deitu dute igandean Gipuzkoako infantil mailako selekzioarekin entrenaldi batean parte hartzeko. Saioa Usurbilgo Oiardo kiroldegian burutuko da goizeko 10etatik 12ak arte.

08 Ekaina 2012

Bera Bera Eskubaloiak gonbidapena luzatu die alebin eta benjamin mailako taldeei datorren ekainaren 16an, larunbata, Donostiako Bidebieta kiroldegian festa batean parte hartzeko.

Eskubaloiaren inguruan arratsalde polita igarotzeko asmoz, topaketan minihandballeko partidaz izateaz gain hainbat opari zozketatuko dira.

Festa arratsaldeko 4tan hasiko da eta askari batekin amaituko da 7ak inguruan. Bertaratzeko Veronicarekin harremanetan jarri Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidean.