Bera Bera - Berriak

29 Urtarrila 2013

2013ko aurreneko hiru partidak galdu ostean, Nitsa Dunay gazte israeldarra Bidebietan beragertu zen lehengo larubatean Castro Urdialesen aurkako partidan. Bi gol sartu zituen, gogotsu aritu zen eta antza arriskurik gabeko jokaldi batean ezker orkatila bihurritu zuen, pista utzi behar izan zuelarik.
Gauean Gipuzkoa Poliklinikan egin zioten erresonantziaren arabera ez du hausturarik, bai ordea bihurritu gogorra. Nitsan ostegunean berriro entrenatzen saiatuko da eta ostiralean Poloniara egingo du bidaia.

Ostiralean, Poloniara

Bera Bera Cup Winners Cupeko kanporaketa prestatzen ari da dagoeneko. Danimarkan topo egin zuen Poloniako txapeldun Vistal Laczpol Gdynia izango du aurrean, Viborgen Champions Leagueko multzoen fasea jokatzeko txartela eskuratzeko kanporaketan poloniarrak izan ziren nagusi, partida hura aurretik Bera Bera berriak lau norgehiagoka baino ez zituen jokatu. Viborgek gainditu zuen Vistal hurrengo egunean eta, donostiarrak bezala, Errekopara pasatu ziren poloniarrak, non HC Gomel gainditu zuten. Final zortzirenetako zozketak elkartu ditu berriro ere Bera Bera eta Vistal Laczpol.
Horrela, bihar arratsaldean Usurbilgo gizonezkoen taldea gerturatuko da Bera Berarekin entrenatzera. Reyes Carrere eta Martin Larrañaga entrenatzaileek era honetan eraso jokoa landu nahi dute Poloniarren defentsa gogorra gainditze aldera.
Taldea ostegun goizez itzuliko da entrenaldierata eta ostiralean Poloniara egingo du bidaia. Goizeko 5,15etan hartuko du autobusa Bidebietan eta, Gdynia helburu, hegazkinez Bilbao-Munich-Gdanks ibilbidea burutuko dute donostiarrek. Joaneko partida igandean, otsailean 3an, 17,30etan izango da eta itzulikoa, otsailaren 10ean, Gaskan, 12,30etan.

28 Urtarrila 2013

Bidebietan jokatu zen Zuazo Barakaldoren aurkako bi norgehiagoketan, kadete mailako Bera Bera Egiak txapeldunak sortatu diren bizkaitarren aurka galdu zuten (15-30), jubenil mailako taldeak, berriz, irabazi zuen (25-23) eta Estatala jokatzeko aukera emango duen fasean izango da. Bestetik, Bea Bera Egia Infantil Bi eta Usurbilgo Udarregi C taldeak lidergoa zuten jokoan. Donostiarrek berdinketa bikaina lortu zuten partida osoan sei jokalariekin aritu arren. Azken jardunaldian CDB Leizaran taldea izango da giltzarri. A taldeak, Udarregi eta Bera Bera puntu bakarrera dituena, usurbiltarrak hartuko ditu eta B taldeak Bidebietan jokatuko du. Zentzu honetan, Bera Bera Egia Bat taldeak CDB Leizaran 14-23 gainditu zuen pasa den larunbatean. Bestetik, Egia Bera Berak atsedena hartu zuen eta Bera Bera Egia kadete 2 taldeak datorren asteburuan Foru Aldundia Txapelketari ekingo dio.

27 Urtarrila 2013

Bigarren itzulia ireki duen norgehiagokan, Europako kanporaketa dela eta aurreratu dena, Bera Bera Eskubaloiak zortzigarren garaipen jarraian eskuratu du etxean BM Porriño (29-22) gaindituz. Garaipen honekin, Bera Berak Porriñoren etxetik kanpo zeraman boladari amaiera eman dio, izan ere porrotik jaso gabe ziren galizarrak. Era berean donostiarrek sendotu dira lidergoan, otsailean bi partida etxetik kanpo jokatuko dituzte Lizarrerian eta Etxebarrin, Errekopako kanporaketa eta Galizan izango den Kopa. Reyes Carrerek zazpikote titullarra mantendu du erasoan eta defentsan. Ziarsoloren bi golek ireki dute markagailua eta minutuak pasa ahala Bera Berak abantaila handitzen duen Ederra pivotearen golei esker eta ondoren María Núñezenak. Atsedenaldian 15-11 nagusi ziren donostiarrak. Galizarrek 5-1 defentsa planteatu dute, Bera Berak, aldiz, 6-0. Bigarren zati hasiera partida galdu du Porriñok, izan ere, Bera Berak bi jokalari gutxiago zegoela gola egiteko zailtasuna nabarian gelditu da. Zoqbi geldiketak egin ditu eta Bera Berak, aldiz, Ziarsoloren bitartez aprobetxatu ditu aukerak. Ondorioz, Reyes Carrerek berriro ere Eli Pinedo eta Eider Rubiori atsedena eman die. Jokatzera atera dena Nitsan Dunay izan da. Israeldarrak bi gol sartu ditu ezker txorkatila bihurritu duen arte. Horrez gain, Yamiley atezainak azkeneko hamar minutuak jokatu ditu eta Uxue Ezkurdiak Ziarsolo ordezkatu du bost minutu falta zirela. Bera Berak ligako hamabigarren garaipena lortu du. Orain Cup Winners Cupeko joaneko partida izango dute hizpide donostiarrek. Ostiralean egingo du bidaia Poloniara eta igandean (17etan) Vistal Laczpol Gdynia izango du aurrean Bera Berak. Fitxa: Bera Bera 29, BM Porriño 22 Bera Bera 29 (15+14): Zoqbi, Altuna, Menéndez (2), Ederra (4, 1p), Arizaga (4), Elorza (6, 4p) eta Ziarsolo (7) –Dunay (2), Núñez (4), Castro, Ezkurdia eta Yamiley (o.a.). BM Porriño 22 (11+11): Iris, Mujika (1), Doiro (9), Nekane (3), Bastero (1), Samartin, Fernández (4) –titular- Rivas, González (o.a.), Costas (1), Pérez (1) eta Cacheda (2). Epaileak: Gerardo Eloy eta Joaquim Castañer (Valentzia) Kanporatuak: Castro, Núñez eta Menéndez Bera Bera eta Cacheda, Nekane eta Costas BM Porriñotik. Partzialak: 3-1, 5-2, 7-3, 9-5, 13-8, 15-11 –atsedenaldia-18-12, 21-13, 23-15, 26-17, 26-20 eta 29-22.

25 Urtarrila 2013

Bera Bera Eskubaloiak BM Porriñok etxetik kanpo duen boladari amaiera jarri nahi dio bihar eta, ondorioz, lidergoan sendotu otsailaren hasiera arte. Bidebietan (19,30etan, Gerardo Eloy eta Joaquim Castañer, Valentzia) jokatuko den partidak bigarren itzuliari emango dio hasiera, izan ere, Cup Winners Cupeko kanporaketak –Polonian jokatuko du Bera Berak otsailaren 3an- aurreratu du jardunaldia. Reyes Carrerek ohartarazi zuen komunikabideen aurrean egindako agerraldian pasa den asteartean. Harrigarria bada ere, BM Porriño da ligako etxean partidarik irabazi ez duen taldea eta etxetik kanpo galdu ez duen bakarra ere bai, hain zuzen. “Horregatik, partida interesgarria izango da” adierazi zuen Reyesek, Martin Larrañagarekin batera, “gure jokua dugu hizpide, arlo guztiak landu eta hobetu”. Ligara itzuli zenetik, Nitsan Dunay eta Eli Pinedoren egoera fisikoa kezkagarriak dira. Bi jokalariek deialdian izango dira, nahiz eta Reyes Carrerek argi eduki “Eli Pinedorekin arriskurik ez dugu hartuko”. Oraindik taldekidek burutzen duten lana ez du Elik bete, ondorioz, soilik partida gaizki joanez gero aterako da pistara. BM Porriñoren aurkako partida ostean, Bera Bera ez da Bidebietara itzuliko martxoaren 2rarte. Orduan Galiziako beste taldea hartuko dute donostiarrek, Mecalia Atlético Guardés, alegia. Otsailean, Bera Berak Cup Winners Cupeko kanporaketa jokatuko du Vistal Laczpol Gdynia, Poloniako txapeldunaren aurka, joaneko partida otsailaren 3an (17etan) eta itzulikoa otsailaren 10ean Josean Gaska kiroldegian (12,30etan). Bi partida hauen artean, Bera Berak Lizarreria bisitatuko du Itxakoren aurka aritzeko eta otsailaren 16an Etxebarrin Kukullagaren aurrean. Otsailaren 21etik 24ra bitartean Kopari helduko diote donostiarrek, oraindik ezagutzen ez den lekuan. Bera Bera eta Rocasa dira zerrenda buruak, taulako bide ezberdinetatik joango direnak eta Elche, Alcobendas, Guardés, Porriño, Kukullaga eta Zuazo taldeak aurrez aurre izango dituztenak.

24 Urtarrila 2013

Asteburu honetan Bera Bera Eskubaloiko harrobiko taldeen partidak oso interesgarriak dira, larunbat goizean nahiz arratsaldean Bidebietan.
Infantil mailan lidergoa izango dute jokoan orain arte puntu guztien jabe egin diren taldeak. Usurbilgo Udarregi C taldeak Bera Bera Egia Infantil Bi hartuko du 10,30etan Oiardo kiroldegian.
Irabaziz gero, María Graciaren jokalariek urrats garrantzitsua emango lukete. Izan ere, hurrengo astean CDB Leizaran B izango dute aurrean, bi puntu besterik ez dituena eta asteburu honetan Bera Bera Egia Infantil Bat taldea hartuko duena larunbatean 10,45etan Andoaingo Allurralde kiroldegian.

Euskal liga
Bestetik, larunbateko arratsaldea garrantzitsua izango da Bidebietan. Ohorezko mailan bigarren itzuliari ekingo diete Bera Berak nahiz BM Porriñok (19,30etan) eta, aldiz, Bera Bera Egia jubenil taldeak Estatuko sektoreak helburu izango duen hurrengo faserako txartela jokoan izango du.
Tati Garmendiaren jokalariek Zuazo Barakaldo gainditu behar dute 17,30etan hasiko den partidan. Bi puntuak lortu ezean, erronka zaila izango litzateke Galdona Burdindegia Pulpo KE taldeak punturik gabe dagoen Aloña Mendiren aurka jokatuko baitu. Andrea Arellano baja izango da. Belaunean erresonantzia egingo diote jakiteko zer nolako lesioa duen.
Bidebietako larunbat beroa Bera Bera Egia kadete taldeak irekiko du 15,45etan lidergoa jokoan duen Zuazo Barakaldoren aurka.
Senior mailako Egia Bera Berak atsedena hartuko du asteburu honetan eta Bera Bera Egia kadete 2 taldeak hurrengo asteburuan beste txapelketa bati ekingo dio.