Akaba Bera Berak lehenengo 15 minututan partida bikaina jokatu zuen eta Eldako jokalari indartsuen erasoak mantentzea lortu zuten. Baina mementu honetatik aurrera gauzak ez ziren ondo atera, ez erasoan eta ez defentsan, eta markagailuan aldea handitzen joan zen.
AKABA BERA BERAk ligako 6.jardunaldia, BM ELDA PRESTIGIOren aurka ez du Gaska Polikiroldegia jokatuko. Gaska Polikiroldegian itoginak daude, eta hori dela eta pista aldatuko du AKABA BERA BERAk eta Bidebietako Polikiroldegian jokatuko du ABF ligako 6. jardunaldia.
AKABA BERA BERAk ABFko 6. jardunaldia jokatuko du, urriaren 30ean, arratsaldeko 19:00etan BIDEBIETAKO KIROLDEGIAN BM ELDA PRESTIGIOren aurka. Honako pista aldaketa hau Gaska Polikiroldegiko itoginen ondorioz da. Pista bustia egon dela eta astean zehar AKABA BERA BERA taldeak bere entrenamenduak Bidebietan egin behar izan ditu.
BM ELDA PRESTIGIO Alacanteko taldea, aurreko denboraldian 2003-2004 ligako txapelduna izan zen. Aurten ere, liga oso ondo hasi du. Partidu bakarra berdindu eta beste guztiak irabazi ditu. Partidu bat gutxiago jokatu duelako dago 7.ena sailkapenean, baina sailkapen hau ez da erreala.
Ligako talde osatuenaren eta sendoenaren aurrean jokatuko du AKABA BERA BERAk. Aurten, kalitate handiko jokalariekin osatu dute taldea. Jokalari berriak: Barbara Brauer; Silvana Ilic; Stephanie Cano, Frantziako Selekzioko kapitaina; Ana Ruiz eta Aitziber Elejaga euskalduna, atezaina eta Akaba Bera Berako jokalari ohia dira. Hauek, Maru Sanchez, atezaina eta Olinpiadetako Espainiako taldeko jokalaririk onena; Susana Fraile euskalduna eta Diana Box, Espainiako Selekzioko pibotearekin batera, ligako talde indartsuena osatzen dute.
Akaba taldean, Esther Larreategi oraindik ere duda da abduktoreetan duen lesioa dela eta. Modu berean, ez da ziurra Esme López-ek partidu hau jokatuko duenik.
Partidu korapilatsua baina oso interesgarria izango da AKABA BERA BERArentzat. Gainera, ezin dugu ahaztu azkeneko hiru urteetan, aurreko denboraldian izan ezik, AKABA BERA BERA izan dela garaile BM ELDA PRESTIGIOren aurka etxean jokatutako partidutan.
Partiduko epaileak Guerra Amieva (Aragoi) eta Moure Fernandez (Asturias) izango dira.
Gaur goizean bertan Europako Txapelketen zozketa egin ondoren, AKABA BERA BERAk E.H.F. KOPAko 3. Errondako bere aurkaria ezagutu du. AKABA BERA BERAK aurkari izango duen taldea Holandako ZEEMAN VASTGOED SEW taldea da.Lehenengo partidua Donostian jokatuko da, Urtarrilak 8an. Itzuliko partidua Holandan jokatuko da Urtarrilak 15ean.
AKABA BERA BERAk, ABF ligari neurria hartu diola azaldu zuen. Partidu osoan zehar beraiek eraman zuten jokoaren erritmoa eta bizitasuna. Lehenengo zatiko atezaina Jockelyn Tienstra izan zen, eta bere lanak, eta defentsaren lanak ere, AKABA BERA BERA momentu guztietan markagailuan aurrera joatea ahalbidetu zuen. Bigarren zatian Darly Zogby de Paula izan zuten atezain. Bere lana ere bikaina izan zen. Bigarren zatiko 15. minututik aurrera defentsan gogor aritu ziren Donostiakoak, baloi ugari moztu zituztelarik. Modu berean, AKABA BERA BERAk bere erasoaren seriotasuna erakutsi zuen ligako 5. jardunaldi honetan.
