Pasa den martxoaren 20an SGSk egindako ikuskaritzan agertu zen inzidentzia zuzenduta, empresa horrek bidali duen agiriak adierazten du ISO 9001:2008 nazioarteko arauak kudeaketan ezartzen dituen baldintzak betetzen dituela Bera Bera Eskubaloiak.
Agiriaren eremua zera da, denboraldiaren planifikazioa eta eskubaloi partiden antolaketa. Hau da, horren arabera, Bera Bera Eskubaloiak prozesu horiek identifikaturik ditu, ardurak eta adierazleak erabiltzen ditu eraginkorrak izate aldera eta bezeroa asetzea da erronka nagusiena.
Era berean, helburu zehatz batzu finkatu ditu, kirol arloan zein kudeaketa mailan, etengabeko hobekuntzaren aldeko bidea ezarriz. Ikuskaritzan, SGS enpresak Bera Bera Eskubaloia zoriondu zuen nazioarte mailako araua ondo baino hobeto moldatu duelako eta, horrez gain, harriturik gelditu zen batez ere Champions Leagueko partiden antolaketarekin eta, oro har, elite mailako kluba baten lanarekin. Azterketan, SGS enpresak antzeman zuen erosketa prozesua ez zela erabat betetzen baina Bera Berak bidalitako zuzenketa onarturik, ziurtagiria igorri du.
Nazioarte mailako arau honek ezartzen dituen baldintzak kontutan hartu eta ISO 9001:2008 ziurtagaria lortzea ez da ohikoa kirol klubetan, Bera Berak kudeaketari ematen dion garrantzia adierazgarri. Horretarako, prozesu honetan Grupo Gismaren zuzendaritza izan du lagun eta enpresa honen aplikazioak ere bai.
Iaz hiru titulu (Superkopa, Kopa eta Liga) lortzeaz gain eta aurten aukera ugari izan horiek berresteko –Rocasarekiko aldea lau puntukoa da zortzi falta direnean-, Ligako erreferentzia izan, besteak beste, gizarte-segurantzari dagokionez, orain Bera Berak beste urrats bat ematen du kudeaketan. Guztia borobiltzeko, empresa pribatuek proiektuarekin bat egitea falta da eta burubelarri ari da lanean.
Aurreneko aldiz Erreginako Kopako irabazlea Sofia Erreginak hartu du Zarzuelan. Fernando Diez Mintegi presidentea buru zela Bera Berako ordezkaritzak eguardian izan du audientzia. Horrez gain, izan dira Iñaki Jauregi presidente ordea, plantilla osoa, entrenatzaileak eta bestelako arduradunak. Bertan izan dira ere bai Espainiako Federazioko presidente, Paco Blázquez; presidente orde eta Euskal federazioko kide Javier Zuriarrain eta Euskal Federazioko presidente, José Manuel Ruiz de Cenzano.
Zarzuelan, Erregina Sofiak pertsona bakoitza agurtu du. Komunikabideei begira Matxalen Ziarsolo kapitainak Kopa erakutsi dio, Verónica Cuñak sinaturiko kamiseta eskaini dio eta Ana Temprenok, Erreka Laranja peñako bufanda eman dio, Peñak horrela eskaturik. Koadrilan Jacinto txoferra ere izan da, Bera Berak lortutako lau Kopetatik hirutan izan baita.
Informazio gehiago
Zarzuelako bidaiak plantillan ahalik eta neke gutxien sortze aldera, David autobusera berriro larunbat goizean igo behar dute Valladolidera joan ahal izateko, Madrilera bidera gauerdian hartzea erabaki zuen.
Horrela, Autocares Davidei eskera, bidaiak ez du gastorik suposatzen Bera Berari. Jacinto txoferrak ezagutzera eman zigun “kotxe honek hiru Kopa ditu”. Izan ere, Zarzuelan izandakoen artean Matxalen Ziarsolo kapitainak bakarrik ditu irabazitako lau kopak.
Informazio gehiago
Azkenen ez da Patri Elorza taldearekin izango. Datorren astelehenean sudurrean ebakuntza egingo diote eta kolperen batek berau ez konplikatzeko baja izango da bihar, Ligako 22. Jardunaldian, Bera Berak Valladolideko Aula Cultural Viveros Herol taldea bisitatuko duenean (Miriam Blasco kiroldegia, larunbata 18etan).
Bera Berarekin fitxatu zuenetik aurreneko aldia da Patri Elorza pistan ez dela,
Elxen ere sudurrean haustura zuela jokatu zuelarik. Lehenengo urtean, Superkopa, Championseko prebia, Cup Winners’ Cupeko sei partidak, Ligako 26 eta Kopako hiru, guztira, 38 norgehiagoka. Eta aurte bide hori zeraman, Superkopa, Championseko multzoen ligako sei, Ligako 21 eta Kopako hiru, guztira 31. Hau da, Bera Berarekin jarraian 69 partida ofizialak jokatu ditu. Ebakuntza ostean hilabete epea itxaron beharko du, ondorioz, Leonen izango litzateke behar izanez gero.
Horrela, gaurko entrenaldiaren faltan Vero Cuñak osatuko du Imanol Álvarezen deialdia, Uxue Ezkurdia ere baja izango da behatzean lotailuekin arazoak dituela.
Bera Bera Valladolidera iritsiko da 19 urte eta gero, Ligako ezustea eman duen taldea, ohorezko mailan igo berri dena eta zazpigarrena dena sailkapenean. Antonio Martin (Gaztela eta Leon) eta Miguel Gardón (Madril) epaileek zuzenduko dute lehia.
Aula Cultural taldeko erreferentziak dira Amaia González de Garibay esker hegalekoa, partidako 6,5 gol sartzen dituena eta eskarmentu gehiago dituzten Raquel De la Cruz albokoa eta Makarenko atezaina. Aulak klubari laguntzeko partida ezarri du eta Miiram Blasco topera egon daiteke.
Bera Berak jakin badaki apirilaren garrantziaz, Elxen garaipen garrantzitsua lortu zuen eta bolada onari jarraipena eman nahi dio. Huts eginez gero sarerik gabe geldituko litzateke eta oraindik partida zailak gelditzen dira, besteak beste, Alcobendas eta Leonera egin behar dituen bisitak.
Bera Berak borrokan egin behar izan du azken segundora arte Valladolidetik helburua gertuago uzten duen garaipena eskuratu ahal izateko (23-24). Imanol Alvarezen taldeak Aula Cultural Viveros Heroli irabazteko gai zela sinistarazi zion eta baliabide guztiak jarri behar izan zituen pistan bigarren zatian lau goleko desabantaila iraultzeko.
Eta hori donostiarrak ondo sartu zirela partidara 0-2 aurreratuz Ziarsolo hegaletik, Menéndez kontraerasoan eta Ana Tempranoren lau geldiketekin, horietako bat penaltiz. Baina zarauztarra eta ondoren Maria Núñezen kanporaketak Aula Culturali bizitza eman zien, partidari erritmoa altua ezarri zioten eta lehenengo lerroak asmatu zuen Cossio eta Lópezekin (10. min 5-3).
Ana Martínez zen erreferentzia erasoan eta Núñez Bera Bera gerturatu du (13. Min 6-5) baina hortik aurrera Bera Bera baloiak galtzen hasi zen edo Makarenko atezainarekin topo egin zuen (Etxeberria hutsean utzi zuen). Ondorioz, Amaya González de Garibay korrika egiteko aukera izan zuen (19. min., 10-6).
Hutsarte batean taldea berpizten saiatu zen Imanol Álvarez. Defentsaren erdian
Núñez eta Menéndez ziren, Martínez eta Arizaga ondoan eta hegaletan, Etxeberria eta Ziarsolo. Oso minutu onak izan dira erasoan Alba Menéndezentzat baina epaileen irizpidea ez zen Bera Beraren gustuko, sei penalti kontran izan baitzuen eta hiru kanporaketa, horietako bi María Núñezentzat. Aulak atsedenaldira aurretik zen 16-13. Denboraldi osoan ez da talderik donostiarrei hainbeste gol sartzen.
Bigarren zatian ikusi zena berria zen, talde honen baliabideak erakutsiz. Elorzarik gabe eta Núñez bi kanporaketa izanik, Imanol Álvarezek 5-1 ezarri du defentsan, Arrojeria aurreratuz eta atzean Menéndez, Martínez, Pinedo eta Castro eta Ziarsolo hegaletan. Erasoan Cuña kapitaina ordezkatzen zuen eta Núñezek Menéndez.
Bera Bera batea jarri da 16-15 baina berriro Makarenkorekin topo egin du. Defentsak oso emaitza ona ematen zuen baina erasoan arazoak jarraitzen ziren. Bera Berak ez zuen tartea murrizten, alderantziz, 20-16 galtzen jarri da Garibay jokalariaren gol batekin.
Momento horretan, defentsa agertu da, jaurtiketa ezerosoak egin ditu Aulak eta Ana Tempranok Castro, Pinedo eta Ziarsolo (20-19) aurkitu ditu kontraerasoan. Ondoren Ana Martínezek berdindu zuen eta Ziarsolo aurretik jarri zuen taldea beste kontraeraso batean. Baina beste kanporaketa bat iritsi zen, Pinedorena, emaitzan eraginik ez zuena. Tempranok asmatu zuen Garibayrekin eta Núñez, pibotean, 21-23 ezarri du bost minutu falta zirela.
Bera Berak, baina, bizitza eman zion Aulari baloiak galduta. Ana Martínezek asmatu zuen partida irabazteko balio izan zuen golarekin, bi minutu baino gutxiago falta zirela. Halere, sufritu zuen taldeak. Tempranok bi baloi atera zituen, Garibay hegaletik eta ondorengo aldaratzea. Hamaika segundu falta zirela Imanol Álvarezek hutsartea eskatu zuen. Bera Berak baloia galdu eta segituan berreskuratu zuen eta Cuñak zutoinera bidali zuen azken baloia.
Argazkia: Valentín González de Garibay.
Fitxa: Aula Cultural 23, Bera Bera 24
Aula Cultural Viveros Herol 23 (16+7): Makarenko, Garibay (7), De la Cruz (5), Cifuentes (1), Cossio (3), Vergara (2) eta Calderón–titular- López (3), Casquero, Álvarez (1), Nieto (1) eta Guerra (o.a.).
Bera Bera 24 (13+11): Temprano, Etxeberria, Arizaga, Menéndez (4), Núñez (3), Martínez (7) eta Ziarsolo (3) –titular- Arrojeria (1), Pinedo (3), Dunay, Ederra (2), Castro (1), Cuña eta Yamiley (o.a.).
Epaileak: Antonio Martin (Gaztela eta Leon) eta Miguel Gardón (Madril)
Kanporaketak: Menéndez, Núñez (2) eta Pinedo.
Partzialak: 2-2, 5-3, 7-5, 10-6, 12-9, 16-13 –atsedenaldian- 17-15, 18-15, 20-19, 20-21, 21-23 eta 23-24.
