Garaipen handia SALTO Bera Berarentzat 54-64 Villa de Leganesen etxean, eta denboraldiari amaiera bikaina ematea Espainako Lehen Mailako podiumeko hirugarren postuan. Iker Iglesiasen mutilak markagailuan aurretik joan ziren uneoro, denboraldi bikain bati brontzezko azken ukitua emanez.
Partida oso parekatua hasi zen, etxekoek lehen kolpea eman zuten, baina Aner, Yisus eta Asjad buru zirela, donostiarrak buelta eman eta 12-13 aurretik amaitu zuten lehen laurdena.
Bigarren laurdenean, hasieran Villa de Leganesen erreakzioa izan zen, baina erdian SALTO Bera Berak defentsa sendoarekin buelta eman eta 24-31ko abantailarekin joan ziren atsedenaldira.
Hirugarren laurdena antzekoa izan zen: etxekoen erreakzioa, gureen defentsa lan bikaina eta alde handitzea 13-19ko partzialarekin, 13 puntuko alde fidaezina markagailuan.
Azken laurdenean, borroka handia izan zen, Iker Iglesiasen mutilak markagailuaren kontrola mantendu zuten eta, azken borrokaren ostean, 54-64 irabazi zuten.
Denboraldi bikaina SALTO Bera Berarentzat, Lehen Mailan hirugarren amaituta 26 punturekin (10 garaipen eta 6 porrot). Sei garaipen jarraian denboraldi erdian eta proiektu sendo baten sentsazioa, aulkitik jokalari berrien errendimenduarekin eta etorritako ekarpenarekin.
