Garaipen garrantzitsua SALTO Bera Berarentzat, Bidebietan jokatutako partidan 70-54 nagusitu baitzen Real Betis BSR Vistazulen aurka, sailkapeneko hirugarren postua jokoan zela. Donostiako zaleen babesarekin, kiroldegia presio-eltze bihurtu zen Iker Iglesiasek zuzendutako taldearen denboraldi bikaina txalotzeko.
Lehen laurdena donostiarren alde hasi zen, joko bizkor eta eraginkorrari esker. Baina andaluziarrak suspertu ziren, eta 16-9 amaitu zen zatia.
Bigarren laurdena estuagoa izan zen, baina amaierako eraginkortasunari esker, zazpi puntuko aldeari eutsi zion etxeko taldeak.
Atsedenaren ostean, sei puntuko aldearekin jarraitu zuten, nahiz eta amaieran zertxobait presaka ibili ziren saskiratzeetan. 46-40 markagailuan.
Azken laurdenean, zaleen animoek taldea berpiztu zuten, eta kalitatez jokatutako minutuetan partida ixtea lortu zuten: 70-54 amaieran.
Etxean agur perfektua, aurkari zuzena garaituta eta podiuma gertuago. Apirilaren 26an Leganésen denboraldia borobiltzen saiatuko dira (16:00).
