SALTO Bera Berak hirugarren garaipena jarraian lortu nahi du ligako bigarren itzulia sailkapeneko postu baikorretan bideratzeko. Igande honetan 12:00etatik aurrera Bidebietako Kiroldegian sailkapeneko azken sailkatua den AGC UPV - IN valentziarra garaitzen badu eta hurrengo astean Valentzian ere irabaztea lortzen badu, puntu baliotsuak lor ditzake. Hala ere, ezin da konfiantzarik egon. Valentziako taldeak DANAk eragindako kalteak jasan zituen, eta nahiz eta sailkapeneko goiko taldeekin galdu duen, gainontzeko taldeekin azken unera arte lehiatu da. Hortaz, bi partida gogor izango dira sailkapeneko azken sailkatu engainagarri baten aurka.
Igande eguerdian partidu bikaina espero da SALTO Bera Bera eta AGC UPV-IN taldearen artean. Donostiakoak bosgarren postuan daude 12 punturekin (4 garaipen eta 4 porrot), eta valentziarrak azken postuan daude 8 punturekin (7 porrot eta garaipen bakarra). Bi taldeek jarraian bi aldiz jokatuko dute elkarren aurka, izan ere, hurrengo astean Valentziara joango gara, komunitateak jasan zuen DANAk baldintzatutako partida berreskuratzera.
Iker Iglesiasek zuzendutako mutilek bi garaipen jarraian lortu dituzte eta hirugarrena, eta balizko laugarrena, bolada historikoa izango litzateke. Amestea erraza da, baina beti irabaztea oso zaila. Valentziako taldeak sailkapeneko goiko taldeekin galdu du, baina beheko eta erdiko taldeekin gogor lehiatu da. Konfiantza ez da aukera bat eta harmailatik indarrez animatu beharko da.
Haien jaurtitzaile nagusiei adi egon beharko da, Thomas J. Barnes eta Abdoulaya Dieng. Boskote egokia aurkeztuta, gogor lan egin beharko da bi garaipenetatik lehena lortzeko.
Otsailaren 16an, igandea, 12:00etan Bidebietan, partidazo bat dugu aurretik. Partida zuzenean jarraitu ahal izango da sipuedes.tv estekan.
Deialdia:
RUBÉN VISO
OSKAR SÁNCHEZ (C)
DANIEL OBIANG
GONTXI REQUETA
ANER GARCÍA
ALEX CALAMBAS
MANEX PAGOLA
JESÚS LOS ARCOS
ALEX PRIOR
ASJAD BASHIR
IKER LASARTE
