Garaipen handia lortu du SALTO Bera Berak Vital Zuzenak taldearen aurka jokatutako derbian (66 eta 48). Bigarren zatian saskipean asmatu zuten eta podiumaren atzetik dagoen taldearen buruan jarri gaituzte.
Partida kontra hasi zen Iker Iglesiasen mutilentzat, eta markagailua irauli behar izan zuten lehen laurdenaren amaieran 15-12 jartzeko.
Bigarren laurdena askoz parekatuagoa izan zen, gasteiztarrek oso dinamiko jokatzen zuten eta gure erasorik landuenak parekatzen zituzten. 28tik 22ra atsedenaldian eta doikuntza pare batekin partida gurea izango zela irudipenarekin,
Atsedenaldiaren ostean, beste 6 puntuko aldea handitu genuen, kanpoko asmatze eta joko adimentsuari esker, 46 eta 34 amaituz.
Azken laurdena abantaila zabalago bihurtu zen jokoan, txandakatzeak eta armairu hondoaren ekarpena SALTO Bera Berak Vital Zuzenak baino gasolina gehiago zuen batean nabarmendu zen. Azken emaitza: 66 - 48.
Oso partida ona izan da, eta laugarren postuan kokatu gara sailkapenean, bi garaipen, bi porrot eta 6 punturekin.
Larunbatean, hilaren 14an, 18:00etan, Santa Luzia Hego-ekialdeko liderrak bisitatuko gaitu, harmailen babesaren zain.
