Denboraldiko lehen derbia iritsi da SALTO Bera Berarentzat Fundación Vital Zuzenaken aurka, igande honetan 12:00etan Bidebietan. Ezagun zaharren aurrez aurreko norgehiagoka izango da, giro onean baina kantxan lehiakortasun handiarekin. Denok animatzera etortzera gonbidatzen zaituztegu!
Vital Zuzenak Gasteizko taldea eta Salto Bera Bera taldea aurrez aurre izango dira igande honetan eguerdian, Bidebietako kiroldegian. Berrelkartze partida izango da, izan ere, Aner, Gontxi eta Rubén urte luzez Gasteizko taldean aritu dira, eta Iñaki Gandía gurekin jokatu du hainbat urtez. Bestalde, biek Bidaideak Bilbao taldearen jokalariak dituzte maileguan: guk Asjad eta haiek Unai. Ziur aski, partiduari adi-adi jarraituko diote Bizkaitik.
Iazko denboraldian bi taldeek kanpoan irabazi zituzten elkarren aurkako partidak. Beraz, oraingo lehen derbian hori errepika ez dadin saiatuko gara, Bidebietan indartsu jokatuz eta etxean egoteak ematen duen biraketarako abantaila aprobetxatuz.
Gasteizko taldea hiru porrotekin eta garaipen bakarrarekin dator, ohikoa ez den zerbait, izan ere, normalean goiko postuetan izaten dira. Guk, jardunaldi bat gutxiagorekin, bi porrot eta garaipen bat ditugu, eta urte amaieran garaipen gehiago izatea helburu izango dugu.
Bi taldeek puntu gutxigatik galdu dituzte partidak, beraz, oso lehiatua izango den derbia espero da. Haiek puntu-banaketak egiten dituzte jokalari askoren artean, eta horrek gure defentsa zailduko du. Guk, aldiz, puntu-biltzaile gutxiagotan oinarritzen dugu gure jokoa.
Ea etxean jokatzeak eta biraketak errazago egiteak berdindutako partida honetan garaipena lortzen laguntzen digun
