Jakina zen bezala hungariarrak joaneko partiduan donostiakoei markatutako 5 goleko aldea gainditzea oso zaila zen, Dunaferr Hungariako txapeldunaz gainera, txapelketa hauetan eskarmentu haundiko taldea denez. Bidebietak partidu izugarri bat bizi izan zuen, harmailak gainezka eta zale ugarien laguntzarekin, Akaba taldeak kanporaketa gainditzeko ahalegin guztiak egin zituen.Ohizkoa den bezala donostiakoen defentsa bikaina izan zen, hungariarren erasoak gelditzen, Dunaferr´eko Hortentziaren 10 metrotako jaurtiketak ez ezik( 7 gol). Partiduko lehen 10 minutuak azken emaitzarako erabakigarriak izan ziren, aurkariak markagailuan alde egin zuten eta donostiakoak lehen zati osoa behar izan zuten markagailua berditzeko , atsedenean 10-11. Bigarren zatian Akabak markagailuan aurrea lortu zuen, baina 2 edo 3 goleko abantaila baino ez zuen lortu,eta hau kanporaketa gainditzeko ez zen nahikoa. Ala ere amaiera arte behin eta berriz saiatu ziren. Azkenean ezin izan zuten lortu baina zaleak eta jendea taldearen lanaren eta ahaleginaren lekuko izan ziren eta sariaren ordaina partiduaren garaipena izan zen. Aipagarria talde osoaren lana eta Nagore Zipitriaren trebetasuna, 7 golekin. Akabaren hurrengo txapelketa Erreginaren Kopa izango da, L´Elianan- Valentzian jokatuko dute. Final laurdenetan Lizarrako Itxakoren aurka jokatuko dute, ostegunak 27 an, 21:00 tan, Teledeporte katean zuzenean. Epaileak Valentziako Ayesta eta Tejedor izango dira.¡¡¡ ZORTE ON AKABA!!!
Igande honetan 12:00 tan, ETB´n zuzenean, Akabak Hungariako Dunaferr taldea hartzen du EHF Europako txapelketaren itzuliko partiduan. Donostiakoek Dunaujvaros´en jokatutako partiduan lortutako emaitza kontrakoa izan arren (5 goleko aldea) , hungariako lurretan egindakoa ikusita, taldea emaitza gainditzeko gogoz aurkitzen da. Horretarako, sarrera dohain izango da zale eta jende guztia taldea babestera eta animatzera etor dadin. Ermuatik autobus bat datorrela baieztatu dute eta Anglet´etik beste bat. Sarrera on bat izatea espero dugu eta denon artean kanporaketa gainditzeko bultzada behar dugu. Akabako jokalari guztiak, Vanesa Albardias ez ezik (sorbaldako lesiotik osatzen dago), jokatzeko prest aurkitzen dira. Epaileak greziako Paraschos eta Korres izango dira eta EHF federazioko ordezkaria berriz britaniako Willis jauna.
¡¡¡ ZORTE ON AKABA!!!
Asteazkenak 19 an Akabak Lleidan jokatzen zuen Europako txapelketagatik atzeratutako partidua. Donostiakoak, Hungariako bidaiaren ondorengo nekearekin, partidu honek bi taldeentzat zuen garrantziaz jakitun ziren, donostiakoak sailkapeneko goikaldean mantentzeko eta Lleidakoak berriz beheko postuetatik aldentzeko. Espero zen bezala, Lleidakoak partidua aurrera ateratzeko etengabeko borroka mantendu zuten. Akabak lehen zatia jasan eta atsedenera 9-8 emaitzarekin joan zen. Bigarren zatian, 40 .minutuan abantaila txiki bat lortu eta partidu bukaera arte mantentzea lortu zuten. Hungarian bezala aipagarria da talde osoak defentsan egindako lana, eta erasoan berriz Tati Garmendia eta Nely Carlak lortutako 5 golak. Epaileak kataluinako Clapes eta Martorell izan ziren. Hurrengo partidua EHF Kopako partidua izango da. Bidebietan, igandeak 23 an 12:00 tan eta ETB´k zuzenean emango du.
Akaba galtzaile irten zen Dunaujvaros´en, partidu bikain baten ondoren, defentsa izugarri baten bidez, itzuliko partiduaren ateak zabalik uzten dituen emaitza bat lortuaz. Etxeko taldeak zaleen bultzada eta epaileen laguntza izan arren, donostiakoak hungariako lurretan espero zuten iragarpenak apurtu zituzten, abantaila haundiagoa lortuko zutela espero bait zuten. Akabak 5-1 defentsa indartsu batekin, etxeko taldearen erasoak jasan zituen lehen zatian, atsedenera 13-9 emaitzarekin helduaz. Bigarren zatian ere defentsa berdinarekin jarraituaz, partiduan aurrez aurrez jarri ziren. Tati Garmendiak defentsan, Anita Bulath jokalariaren eraso mugimenduak ondo gelditu zituen, eta Nagy izan zen donostiakoen hesia hausteko aukera gehien izan zituen jokalaria, 8 golekin. Aipagarria Akabako jokalari guztien defentsa lana eta Nely Carla gaztearen trebetasuna, 5 golekin. Itzuliko partidua 23 an izango da, Bidebietan, 12:00 etan. Epaileak greziako Korres eta Paraschos izango dira eta EHF ´ko ordezkaria, britaniako Willis jauna. Sarrera dohain izango da zale eta jende guztia taldea babestera eta animatzera etor dadin, denon artean kanporaketa zail hau gainditzeko asmoarekin. ¡!! ZORTE ON AKABA!!!
Larunbatean 18:00 tan, Akabak Rocasa´ren aurka jokatu zuen. Sailkapeneko 7. postuan aurkitzen den taldea da eta bi taldeen artean puntu diferentzia murrizteko nahiarekin jokatzen zuen. Talde honen etxean jolastea oso zaila izaten da eta partiduak benetan korapilatsuak izaten dira (azken denboraldietan Bera Berak ezin izan du punturik lortu) eta aldi honetan ere argi ikusi zen garaile bezala irtetzea oso zaila zela. Bi taldeak errespeto haundiz eta urdiri kantxaratu ziren, partidu guztian zehar markagailuan berdinketa nabariekin. Defentsa lanak erasoak baino obeak izan ziren eta donostiakoen akatsak eta guzti,partidu barruan mantentzea lortu zuten. Atsedenean markagailuan 11-11 emaitzarekin heldu ziren. Bigarren zatian, partidua amaitzeko 10 minutu falta zirenean Akabak 3 goleko abantaila lortu arren, Ro´Casak partidua berdintzea lortu zuen. Azken minutu hauek larriak izan ziren, Nely Carlak penaltiz partidua berdindu arte. Rocasak azken baloia jokuan izan zuen eta Cruz Roblesek gelditzea lortu zuen. Aipagarria Nely Carlak penalti jaurtiketetan izan zuen lasaitasuna, 5 jaurtiketa egin eta bostak sartu zituen. Anna Andryushenko gol gehien lortu zituen jokalaria izan zen, 7 gol. Hurrengo partidua asteazkenak 12 an izango da, 19:30 tan Bidebietan, Sagunto taldearen aurka, epaileak nafarroako Eraso Esteban eta Ordoki Otxoa izanik.
