Ozeanoak zaintzeko kontzientziazioan eta sentsibilizazioan lan egingo duen beste erakunde bat izateko asmoz, Bera Bera Eskubaloia ‘Bihotz Urdinaren laguna' bihurtu da, Donostiako Aquariumak eta Laboral Kutxak sustaturiko ekimenarekin bat eginez.
Alice Fernandes Silvak eta Maddi Aallak hirugarren denboraldia beteko dute elkarrekin super amara Bera Beran, eta talde donostiarrak 23-24 denboraldirako atea zaintzeko bi jokalari nagusienak itxi ditu.
Lyndie Tchaptcheten aurkezpenaren ondoren, Tati Garmendiak, Nacho Otaeguik eta Ander Formosok Ammma eta Bera Bera Eskubaloiaren arteko akordioa berritu dutela jakinarazi dute. Horrela, Donostiako Miramongo Parke Teknologikoan dagoen zentroak hirugarren denboraldiz hartuko du bere gain super amara Bera Berako 23-24 plantillaren prestakuntza fisikoa.
Bera Berako Eskubaloi arduradun Tati Garmendiak, Lyndie Tchaptchet pibote nafarra (18 urte eta 1,85 m.) aurkeztu du gaur goizean, Gurpea Beti Onak Azparren Gestion taldetik datorrena. Atarrabiako klubarekin jaitsiera saihesten buru-belarri aritu den jokalariak aitortu duenez, “datorren urtean Donostian izango naizen benetako sentitu dut orain”.
Espainako Eskubaloi Federazioak gaur ezagutzera eman du junior mailako hautatzaile Joaquín Rocamorak osaturiko 16 jokalarien zerrenda, Parisen ekainaren amaieran ospatuko duen 4 Nazioen txapelketa prestatze aldera. Bertan da super amara Bera Berako Eider Tapia eta horrez gain, uztailaren 1etatik aurrera izango diren Lyndie Tchaptchet eta Carmen Arroyo.
