Esther Arrojeria golegile nagusiena izan zen larunbatean A Sangriñan eta Bera Bera Eskubaloiarekin ere marka pertsonala gainditu zuen, izan ere, zortzi gol egin zituen 45 minutuetan, SUPER AMARAk Atlético Guardés (22-31) gainditu zuen partidan
Usurbildarrak iaz A Guardan Bera Berarekin 200, partida bete zuen –Maitane Etxeberriarekin batera-. Halere, ezin izan zuen berak nahi bezala, partida berdinketarekin amaitu baitzen. Lehiatu gabe egonda, bi baloi galduta Arrojeriak eta partida hasi zuten beste 15 jokalarik ez zioten lehiari ondo heldu. Defentsan Maitane Etxeberriaren ondoan kokatu zen hegalean.
Bigarren saiakera ona izan zen eta Teresek jasotako asistentzia 1-2 egin zuen. Arcosek berdindu ostean Arrojeriak abiadura itzela frogatu zuen Carratú (2-3) gainditzeko. 7. minutuan, hutsunea ikusi zuen eta Menéndezen asistentzia gauzatu zuen erditik barneraketa eginez (3-5), 15. Minutuan errepikatu zuena (4-9) Hernández lagun. Atsedenaldira iritsi aurretik Guardeseko defentsa baino azkarrago ibili zen (6-14).
Bigarrenean galizarrek sartutako golei erantzun zien eskuin aldetik egindako bi barneraketekin (8-15 eta 9-16). Jokaldia jarraitzeko abilezia izan zuen eta kemena Fernandesen jaurtiketaren alderatzea jasotzeko (33’: 10-19).
36. minutuan Pradesek banakako defentsa agindu zuen baina Menéndezi asistentzia emateko aukera izan zuen (10-20). 40. Kanpoko jaurtiketa gauzatu zuen (10-21) eta hurrengo minutuan, kontraerasoan huts egin zuen, ate aurrean egindako bakarra.
Hutsartea ostean 13-21 markagailuan, Imanol Álvarezek atsedena eman zion.
Hiru aldiz, 7 gol
Orain arte bere markarik onena zazpi golekoa zen, hiru aldiz lortu zuena: Elxen, 2016ko martxoan; eta Bidebietan Canyamelar eta Morvedre taldeen aurka 2016ko eta 2018ko irailean. Arrojeriak larunbatean 217. Partida jokatu zuen Bera Berarekin eta 564 gol sartu ditu orain arte.
