Lacturale Bera Bera kadete mailako nesken taldeak Ibizako Santa Eulalian asteburu honetan burutu den Estatuko sektorean parte hartu du. Hiru partidak galdu arren, Bartzelonako Sant Vicenç, Elda Prestigio eta bertako Puchi taldeekin batera horrelako lehiaketetan aritu izaneko eskarmentua irabaziz.
Oker sartu zen aurreneko partidara (2-9) eta ezin izan zion Eldari norgehiagoka iraultzerik izan (21-29). Larunbatean, aldiz, fasean irabazlea estutu zuen (atsedenaldian, 14-15) baina Sant Vicenç bigarrenean nagusitu zen (26-34). Eta igandean, Lacturale Bera Berak ezin izan zuen bertako Puchi taldea gainditu (29-25). Azpimarratzeko, gola egiteko gaitasuna erakutsi du Amaia Zolezzik, taldeak lortutako 72 goletatik, 32 egin baitutu berak.
