BIC Bizkaia Ezkerraldea enpresen zentroak hartuko du martxoaren 29an, ostiralean, Kopako XL edizioaren zozketa, Barakaldon ospatuko dena apirilaren 26tik 28ra bitartean.
HGB Prosetecnisa Zuazo Barakaldo antolatzaile gisa eta Liberbank Gijón txapeldun moduan izango dira zozketan zerrendaburu, hortaz, balizko final batean baino ez dute elkar ikusiko. Zozketan aterako diren aurreneko bolak izango dira horiek, ostean, final-laurdenetara sailkatu diren sei taldeak: KH7 BM Granollers, Elche Mustang, Rocasa Ace Gran Canaria, Rincón Fertilidad Málaga, Aula Alimentos de Valladolid eta SUPER AMARA Bera Bera.
Azkeneko urtetan bezala, ostiralean final laurdenak jokatuko dira, larunbatean finalerdiak eta igandean, finala.
