Lau talde besterik ez dute Guerreras Iberdrola Ligako bi jardunaldiak irabazterik izan, iazko denboraldiko aurreneko laurak gainera.
Mecalia Atlético Guardés da lider golei aldera erreparatuta, (+25) Canyamelar Valencia A Sangriñan eta HGB Prosetecnisa Zuazo etxetik at gainditurik, ondoren Liberbank Gijón (+15) taldeak hamaika goletan utzi zuen Helvetia Alcobendas aurreneko partidan eta y O Porriñon irabazi zuen. Hirugarren, SUPER AMARA Bera Bera (+13) Bidebietan BM Morvedre mendean hartuta eta atzo gol batez Rincón Fertilidadi irabazita Carranquen; Rocasak (+5), aldiz, KH7 BM Granollers gainditu zuen Telden eta Elcheri Carrúsean penaltiz denbora agortuta.
Guerreras Iberdrola ligan berdintasuna da nagusi. Jardunaldi bakoitzean berdinketa eman da eta hiru norgehiagoka gol bakar batez erabazi dira.
Lehia zuzenak
SUPER AMARA Bera Berak larunbatean A Sangriñan jokatuko du (Teledeporte 18,30etan), Canyamelar Valenciak eskaturik Rocasaren aurkako partida bertan behera gelditu da. Horrez gain, jaitsiera postuak saihestu nahi dituzten taldeek oso jardunaldi garrantzitsua dute, besteak beste, BM Morvedrek Helvetia Alcobendas hartuko du eta BM Castellón taldeak HGB Prosetecnisa Zuazoren aurka puntuak urratu behar ditu. Godoy Maceira Porriñok, aldiz, egutegi zailarekin jarraitzen du KH7 BM Granollersekin; Aula Valladolidek Elche Mustang hartuko du eta Liberbank Gijónek Rincón Fertilidad Málaga.
