XIX Superkopari ekin aurretik Liberbank Gijón taldearen aurka, SUPER AMARA Bera Berak azken aurreko entrenaldiari ekin aurretik Imanol Álvarez, Alba Menéndez eta Renata Arruda komunikabideen esanetara jarri dira. Bihar 18,30etan Xixonen Álvarez eta Bustamente epaileek zuzenduko dute finala.
Hirurek onartu dute “lehiatzeko irrikan gaude” jokalariei entrenatzaileari baino “luzeago” egin baitzaie aurredenboraldia. Eta hirurek ere uste dute “gogorra izango da”, halere, Imanol Álvarez entrenatzaileak onartu du “faborito izan gaitezke para partida zaila izango da”. “Bi taldeen arteko azken norgehiagokak estuak izan dira, oso estilo ezberdinak izan arren, hortaz, defentsa eta atezainen lana erabakiorra izango da, talde sendoa dute eta birtuteak ondo aprobetxatzen badakite”.
Imanol Álvarezek ez du zalantzarik Superkopa Xixonen jokatu arren “taldea, beti bezala, lehiakorra delako, ez da motibazio berezirik behar”. Berak nahi duen SUPER AMARA Bera Bera ikusiko ote den galdetuta, entrenatzaileak uste du “oraindik garaiz da, nire ideiak ez du taldearen jokua gehiegi aldatuko, badakit zentzuk diren birtuteak: gaur egun defentsa eta atezainak eta eraso posizionalean taldeak sinistu behar du”. Plantillaz “pozik dago, klubak postu erabakiorrak sendotu dituelako eta niri aukera ezberdinak ematen dit”.
Bestetik, iaz Xixonen jokatu zuen Renata Arruda atezainak “oso ondo eta pozik” dago egindako aurredenboraldiarekin eta “partida gogorra” irudikatu du nahiz eta pentsatu “taldea ondo iritsiko da”. Liberbank Gijón taldearen inguruan “Marizza Faria eta hegaleko jokalariak” aipatu ditu Arrudak, hau da, “sei metroetan duten jokua”.
Alba Menéndez kapitainak onartu du “aurreneko titulua jokatzeko gogokin gaude” eta bere ustez “pieza berriak uste baino lehenago moldatu dira taldera”.
SUPER AMARA Bera Berak bihar goizean egingo du Xixonen bertan azken lan saioa.
