SUPER AMARA Bera Berak plantilla osatzerakoan esfortzua egin du 2018-19 denboraldian lau txapelketetan lehiakor izateko asmoarekin eta zalegoak eta gertukoak salto bat eman ditzaten animatu nahi ditu Bidebietara edo Gascara bertaratze aldera.
Helduek 75 euro ordaindu beharko dute SUPER AMARA Bera Berak Guerreras Iberdrola ligako 13 partidak eta Kopako bat ikusteko, azken hau otsailaren bigarren astean izango da final-zortzirenetako itzulera, alegia. Klubak bost euro igo du 2015-16an ezarri zuen abonamentua. Takilan sarrerak 10 euro balio du, Ligan nahiz Europan, nahiz eta balizko multzoen fase batean salneurriak alda daitezke.
Jubilatuek eta gazteek (10-16 urte) 40 euro ordainduko dute 14 partidak ikusteko. Horrez gain familiak bertaratzeko asmotan lau lagunek 150 euroetan sartuko dira, hau da, bi helduek ordainduz. Era berean, jokalarien senitartekoek deskontuak izango dituzte eta klubak abonamendu bereziari eutsi dio, Bidebietan edo Gascan eserleku finkoa eskaintzen duena eta partida osteko luntxari ere bai.
Aurreneko partida Bidebietan, irailaren 15ean izango da (19etan) igo berri den Morvedre taldearen aurka.
