Lau urrats Guerreras Iberdrola Liga eskuratze aldera. Sendo emanez gero, SUPER AMARA Bera Bera txapeldun izango da beste taldeen emaitzei erreparatu gabe. Aurrenekoa larunbatean 18etan, aurrean Aula Alimentos de Valladolid izango duelarik (Javier Álvarez –EAE- eta Ion Bustamante –Nafarroa).
Baina zeregina ez da erraza izango eta horren jabe da SUPER AMARA Bera Berako plantilla. Izan ere, joanekoan gipuzkoarrak galdu zuten Huerta del Rey pistan (34-32) eta etenaldira Rocasa líder sendoa lau puntutara zuten, gainera Bidebietako partida ere kanariarrekin galduta (29-34).
Hamasei partida ostean lehiaketak bigarren aukera eman dio SUPER AMARA Bera Berari, donostiarrek ere irabazi dutena, oso garaipen zailak lortu baitzituzten Telden (30-33) edo A Sangriñan (21-22) markagailuak adierazten dutena baina errazago, Xixonen aldiz ezustean irabazteko aukera izan zuen (22-23) eta Granollersen sufrituz (19-22). Hori bai, Bidebietan kale egin zuen Rincón Fertilidad taldearen aurka. Izan ere, bi talde hauek Guerreras Iberdrolan garaipen bolada onena daramente, donostiarrek sei erreskadan eta Malagokoa, bost (partida bat gehiago).
Karsten, baja
SUPER AMARA Bera Berak jakin badaki Aula Alimentos de Valladoliden aurkako partida “funtzeskoa eta hil ala bizikoa” Pucheren esanetan baina era berean “oso zaila”. Halere, Bidebietak eman ditu egun onak eta ziur da harmailak beteko direla, gainera, Valladolidetik ere badator jendea, Kopan gertatutakoagatik mendeku bila. Alba Menéndez kapitainak taldea “gogokin” ikusten du “líder gaude eta Ligaren bila goaz” dio.
Partidarako baja izango da Elke Karsten argentinarra, gaur Madrileko Cemtro klinikan ebakuntza egingo baitiote, eskuineko hatz-lodiko lotailua konpontze aldera. Halere, entrenatzaileek ondo aztertu dute Aula, dituen baliabideak ekidin ahal izateko eta ahulezietan sakontzeko.
