Kopako finalak utzitak zapore mikatza ostean, SUPER AMARA Bera Berak Guerreras Iberdrolak liga amaitzeko gelditzen diren bost partidetan burubelarri jarri nahi dio arreta, izan ere egun lidergoan da Mecalia Atlético Guardés eta Rocasa Ace Gran Canaria taldeekin batera.
Hortaz, Larunbatean Villaverde, Madrilen, izango da bost norgehiagoketako aurreneko geltokia. Gipuzkoarrek uste dute hamar puntu ateraz gero titulua bereganatzeko aukerak igoko direla. Ondorioz, Base Villaverde sailkapenean azkena izan, punturik urratu ez duen talde bakarra, aurrean izan arren eta matematikoki Zilarrezko mailan asteburu honetan egoteko aukera handiak izan, konfiantzarik ez du nahi SUPER AMARA Bera Berak. Partida 18etan izango da Plata y Castañar kiroldegian, David Deniz eta María Fernanda Espino kanariar epaileek zuzenduta.
SUPER AMARA Bera Beraren plantillarentzat egoerara moldatzeko astea izan da, Kopako finalean gertatutakoaz hausnarketa egiteko, fisikoki eta mentalki errekuperatzeko Ligan gelditzen diren partidei ahalik eta ondoen heltzeko, txapelketa nagusiko amaiera oso interesgarria baitago. Puchek ez ditu Zaldua eta Karsten deialdian sartu, argentinarrari ebakuntza egin beharko diote hatz lodian duen lesioa ekiditeko. Bestetik, joanekoan ez zen aukerarik izan baina bihar Ausàs ahizpak, Mònica eta Silvia, elkarren aurka arituko dira.
Liga bere eskun duen talde bakarra Rocasa da, egutegia zaila izan arren: Telden, KH7 BM Granollers (apirilak 28), Mecalia Atlético Guardés (maiatzak 16) eta Mavi Nuevas Tecnologías (maiatzak 26) eta Málagara (maiatzak 2) eta Ibizara (maiatzak 19) egin behar ditu bidaiak. Bestetik, Guardések Lasesarre (apirilak 28), Telde (maiatzak 16) eta Granollers (maiatzak 26) bisitatuko ditu eta BM Castellón (maiatzak 5) eta Rincón Fertilidad Málaga (maiatzak 19) hartu A Sangriñan. Pucheren taldeak Madrilen jokatzeaz gain, Aula Alimentos de Valladolid hartuko du larunbatean, maiatzaren 5ean Bidebietan (18etan), Valentzian arituko dira (maiatzaren 12an), etxean Elche Mustang (maiatzaren 19an) eta denboraldia Lasesarren amaituko dute (maiatzaren 26an).
