Espainiako eskubaloi federazioak atzo ezagutzera eman zuen Zilarrezko mailara igotzeko prestatu diren sei sektoreen lekuak, non maiatzaren 11tik 13ra bitartean 24 taldek sei leku horien jabe egiteko asmoa dute.
B multzoan egokituta, Bera Berarekin batera dira Balonmano Rasoeiro, BM Servigroup Benidorm eta bertako Raza Sayaguesa Zamora. Batek bakarrik lortuko du zuzenean igotzeko eskubidea emakumezkoen elitearen bigarren mailara eta lehiaketa sistema ligaxka moduan da, hau da, bakoitzak hiru partida. Ostiralean (20,30etan) egingo dute debuta gipuzkoarrek etxeko taldearen aurka, Raza Sayaguesa Zamoraren aurrean, alegia; larunbatean 17etan BM Servigroup Benidorm izango dute aurean eta igandeko aurkaria (10etan), Balonmano Rasoeiro.
Raza Sayaguesa Zamora Gaztela eta Leongo txapelduna izan da, jokaturiko partida guztiak irabazita. BM Servigroup Benidorm ere líder amaitu du bere multzoan eta Balonmano Rasoeiro galizarrek bigarren postua lortu zuten.
Bera Bera bigarren amaitu zuen Euskal Liga beste sektore bat antolatuko duen Indupime Basauri txapeldunaren azpitik. Donostiarrek sailkatze fasea antolatu zuten Bidebietan, finalerdietan Errotabarri Ermua gainditu zuten eta finalean, Lauko Elgoibar penaltietan.
