Guerreras Iberdrola liga amaitzeko sei partida gelditzen denean eta Málagako Kopa atarian, SUPER AMARA Bera Berak larunbatean KH7 BM Granollersi egingo dio bisita “talde orekatua, taktikoki prozedura asko dituena, defentsan intentsitate handikoa eta atezain onarekin” Montse Pucheren aburuz.
Entrenatzailea gaur goizean Bidebietan komunikabideen esanetara egon da. Kataluniarren denboraldia “oso ona” moduan adierazi du eta ziur da “gauzak zailak jarriko dizkigu”, hortaz, taldeari “goreneko motibazioa” eskatu dio larunbatean 20etan ‘Pabellón de los Deportes’en “etxetik kanpoko partidarik zailenetarikoari ekiteko”, Kopan Guardések zortzi goleko aldearekin galdu zuela gogoraraziz.
Puchek uste du “denboraldiko sasoi onean iritsiko gara eta sei partidei heltzeko irrikan gaude”. Bere iritziz “automatizazioa geroz eta hobeagoa da, badakigu zer nahi dugun eta taldea geroz eta hobeto ikusten dut”.
SUPER AMARA Bera Berako entrenatzaileak jarraipena eman nahi die Godoy Maceira BM Porriño taldearen aurka eman ziren “sentsazio onei”.
Ligan taldeak dituen aukeraz galdeturik, errealista da Puche. “Ez dago gure esku –Rocasak atzo BM Castellón gainditu zuen jardunaldia ireki zuelarik-, halere Rocasak kale egingo duela uste nahi dugu baina guk sei partidak irabazi”. Datorren astean Málagako Kopa ez du aipatu ere egin, izan ere, “guretzako egun garrantzitsuena Granollerseko partida baita”.
