Guerreras selekzioak larunbatean Gascan (20etan) Alemaniaren aurka jokatuko duten partida atarian, Frantziako Europako Txapelketako sailkatze faseari dagokiona, kiroldegi ondoko aparkalekuan Fan Zone delakoa jarriko da.
Hortaz, 10,30etatik aurrera Infraestructuras Orma enpresak jarritako karpan Street handballeko partidak antolatu dira eta arratsaldean, beste txapelketa bat antolatzeaz gain, joku dibertigarriak prestatuko dira, adin ezberdinetako pertsonentzat egokituak. Fan zone honetan musika entzuteko aukera izateaz gain, mokadua hartzerik egongo da.
Kirol legeari errespetatze aldera, publikoak ezin izango du kiroldegia tamaina handiko objetuak, ezta ere beirazko edariak, ateetan motxilen kontrola egongo delarik. Taldeek Gascan leku finkoa izango dute eta sartzeko ateetan ere informazioa eskainiko da. Ez dago sarrerarik, hortaz Gasca beteko da Gipuzkoaren Eskubaloi festa izango den ekitaldia.
Selekzioak
Espainiko selekzioak Donostiara atzo iritsi zen, Gascan entrenatu zen ordubetez. Ostiralean goiz eta arratsaldean entrenatuko da, larunbat goizean ere beste saio bat egingo duelarik. Alemania ostiralean helduko da, larunbatean entrenaldia burutuko du Gascan eta 20etan partida, Joanna Brehmer eta Agnieszka Skowronek epaile poloniarrek zuzenduko dutena.
Omenaldiak
Partidaren atsedenaldian, Gipuzkoako federazioak 75. Urteurrenaren ospakizunean ohorezko mailan aritu diren taldeei aitortza egingo die.
