SUPER AMARA Bera Berak Guerreras Iberdrola Ligako talde onenen aurka etxetik kanpo jokatu behar du berriro ere. Oraingo honetan Xixongo La Arena pistan non 21etan Mavi Nuevas Tecnologías taldea izango da zain, bosgarren sailkatua (Andrés Rosendo eta Sergio Rodríguez, galizarrak).
Aurrez aurre izango dira Ligako defentsa onenak. 411 gol jasota, Mavi Nuevas Tecnologías da gol gutxien jaso duen taldea SUPER AMARA Bera Berak baino bi gutxiago eta Mecalia Atlético Guardésen baino hiru gutxiago. Gol egiterakoan, aldiz, gipuzkoarrek asturiarrek baino 54 gol gehiago sartu dituzte, teorian Pucheren taldeari golak komeni zaizkio.
SUPER AMARA Bera Bera eta Mavi Nuevas Tecnologías taldeak elkarren aurka hiru partidetan izan dira, bi lagunartekoetan –abuztuan Egia txapelkentan aise irabazi zuten bertakoek eta Erregetako txapelketan Xixonen asturiarrek (25-22)- Ligan ordez gipuzkoarrak 32-24 nagusi Arderíus eta hegaleko jokalariak protagonistak. Halere, gauzak aldatu dira dexente ordutik eta SUPER AMARA Bera Berak jakin badaki aurrean ez duela aurkari txikia eta Rocasa –lidergoa berreskuratu duena Valentzian irabazita- eta Guardés presionatu nahi baditu.
Horrez gain, Diego Lafuente zuzentzen duen taldeak baliabideak ditu edonor estutzeko. Kopako fase finalera txartela lortuta, laugarren postua da hurrengo helburua. Mariza Faria zentralak zuzentzen gola duten alboko jokalari Palicio, Téllez eta López dira, bi aukera pivotean, Cobo eta Camplagio eta hegaleko jokalari ezagunak Raquel Caño, Lopes portugaldarra eta Nedelcu errotazioan.
Arderíus guztiz sendatuta, Montse Puchek Telde edo A Sangriña jokatuko balute bezala komentzitu nahi izan du taldea. Arratsaldean azken entrenaldia burutuko dute eta bihar 14etan irtengo da Xixonera Autocares davidekin. Partida Teledeporteko web orrialdean ikusgai izango da zuzenean 21etan eta telebistaz diferituan 23,15ak aldera.
