Leire Aramendia, ezker hegaleko jokalariak Elxen larunbatean 50. partida ofiziala jokatu zuen SUPER AMARA Bera Berarekin.
2016ko irailaren 3an Iruñan ospatu zen Superkopan egin zuen debuta eta ez du partidarik galdu Bidebietan daraman denboraldi t’erdin. Hau da, norgehiagoka guztietan parte hartuko du: Superkopakoaz gain, Ligako 38 partida –iazko 26 eta aurtengo 12-, Kopako hiru eta Europako, zortzi.
SUPER AMARA Bera Berako golegile nagusiena izan zen iaz Aramendia 102 golekin, batetik, Arrojeria eta Fernández martxoan lesionatu zirelarik. Halere, egun taldeko bigarren golegile nagusiena da 69 golekin, Silvia Arderíusen atzetik (76) eta Etxeberria gainetik (65). Azpimarragarria da EHFko joaneko partidan Turkiako Kastamonuren aurka –egun EHFko C multzoko liderra- Leringoak 10 gol egin baitzituen.
Ikus datu guztiak: Bera Bera Eskubaloia Aplikazioa Google play.
