SUPER AMARA Bera Berak Guerreras Iberdrola Ligara itzuliko da larunbatean (18etan) Bidebietan Canyamelar Valencia taldearen aurka. Montse Puche entrenatzaileak lau nobedade ditu urte bukatu zen taldearekiko, Arrojeria eta Zugarrondo prest direlako, Ausàs zalantza da oraindik eta Costak Sans ordezkatuko du. Komunikabeen aurrean azaldu da madrildarra.
Hasperen egin du Puchek etenaldiaz galdetuta “oso luzea izan baita, ia bi hilabete izan dira, aurredenboraldi txiki honek handian bihurtzen da, lehiatu gabe oso luzeak egiten bitira, partidak jokatu arren”.
Judith Sansena “ezbehar” gisa azaldu du “ahalik eta azkarren lan egin behar izan genuen pibote berria ekartzeko” adierazi du. Zentzu honetan, entrenatzaileak dio Ligia Costa gazte brasildarra, 21 urtekoa, “taldera moldatu beharreko jokalaria da” baina azpimarratu du “neska puxka da 1,90 metro neurtzen ditu, guretzako ezohikoa, aukera berriak emango dizkigu eta ekarpen handia egingo digu”.
Denbora luzez lesionaturik egon diren jokalariaz galdetuta, Puchek azpimarratu du “Zugarrondo eta Arrojeria ondo daude eta Mònica Ausàs defentsan taldekideen bezala aritu arren jaurtiketetan mina du eta bihar medikuak ikusiko du berriro”. Bera Berara etorri zenetik aurreneko aldia da jokalariren bat deialditik kanpo utzi behar du Puchek. “18 gara eta 16 baino ezin dira pistara irten” –azaldu du- halere, “bat ere ez dut soberan” dio. “Jokalari bakoitzaren onena ateratzen saiatuko naiz” adierazi du.
Sailkapena irauli
Ligako hamar jardunaldi jokatua, Rocasa da lider partida guztiak irabazita eta lau puntuko aldea gipuzkoarrekiko, Guardés eta Mavi Nuevas Tecnologías taldeekin bat eginda saikapenean. Puchek gogorarazi du “iazko kontrako egoeran gaude, eroso ginen eta orduan iritsi ziren lesioak”.
Halere, komentzituta dio “oraindik liga luzea da”, ostiralean Guardés eta Rocasa taldeen arteko partidari begira dago “ea sailkapena gehiago estutzen den” eta ohartarazi du “gu beti guztia nahi dugu”. Era berean, plantillari bidali dio mezua “egun ez dugu akatsik egiteko betarik”, Bidebietan izango den Canyamelar Valencia taldeaz “ez da aurkari ahulik guretzako, partida guztiak dira garrantzitsuak, guztia eman behar dugu” eta baikorra dea “taldeak jakin badaki hau guztia eta, inportanteeena, nahi du”.
