Denboraldia hasi zenetik, Montse Puchek ez du plantilla osoa prest izan, halere, Zugarrondo, Arrojeria eta Ausàs osaturik eta iritsi berri den Ligia Costa, SUPER AMARA Bera Berako entrenatzailea Guerreras Iberdrola Ligara itzulera 18 jokalariekin prestatzen ari da, izan ere, urtarrilak 13, larunbatean Canyamelar Valencia agertuko baita Bidebietan (18etan).
2017. urtea hain lakatza izanik, 2018aren zain zegoen SUPER AMARA Bera Bera. Puchek frogak egin zituen Xixonen, Mavi Nuevas Tecnologías taldearen aurrean urtarrilaren 4an platilla osoa deitu zuelarik. Elkar ezagutu zutenetik, 24 ordu baino ez ziren pasa eta Costa eta Ausàs minutu ugari izan zituzten defentsaren erdialdean. Iaztik hona, Elorza eta Martínezek utzi zuten taldea denboraldi amaieran eta Sansek abenduan, hortaz Azurmendi dago leku horretan ia bakarrik. Puchek froga ugari egin ditu: Menéndez, Zaldua, Berasategi erdian jarriz etenaldian burututako partidetan, larunbatean aldiz defentsan bikote horrekin asmatu behar du.
Baina era berean, denboraldi luzez bajan egon diren jokalariekin pazientzia ere izan beharko du, izan ere, Arrojeriak martxoaren 11n jokatu zuen bere azken partida ofiziala Málagan; Ausàsek Alcobendasen otsailaren 11n eta Zugarrondok, Leonen maiatzaren 28an. Costa pibotea, berriz, emakume puska da, hiru entrenaldi baino ez daramazki eta Xixongo lagunartekoa. Hortaz, ongietorriak minutu guztiak eta Arrojeria eta Ausàsen kasuan, progesiboki, izan ere, kataluniarrak defentsan baino ez baitzen aritu eta ostegunean medikuarekin hitzordua izango du.
Guardés-Rocasa Liga itzuleran
Guerreras Iberdrola ligak partida interesgarriak ditu bere hamaikagarren jardunaldian. Ostiralean (Teledeporten, 21etan) Rocasa liderrak Mecalia Atlético Guardés egungo txapeldunari egingo dio bisita A Guardan, non azkeneko bi partidak galdu dituen.
SUPER AMARA Bera Berak Canyamelar Valencia hartuko du, hamaikagarrena sailkapenean, lau puntuekin dagoena. Montse Puchek eta Eider Rubiok aurreneko arazoak izango dituzte 16 jokalarien zerrenda osatzeko, bi hilabete eta gero Bidebietara itzultzeko.
Gipuzkoarrak ez dira geldituko martxoaren 17ra arte. Urtarrilean lehenengo itzuleari amaiera jarriko zaoi, SUPER AMARA Bera Berak Elxera egingo du bisita urtarrilaren 20an (18etan), HGB Prosetecnisa Zuazo hartuko du urtarrilaren 26an, ostirala, eta bigarren itzuliaren hasieran hitzordu garrantzitsuak izango ditu, otsailak 14, asteazkenean Teldera egingo du bidaia, kanariarrek Challenge Cupeko kanporaketa behin amaituta, Rincón Fertilidad Málaga hartuko du otsailaren 24an eta erdian, Kopako kanporaketa Ibizako Santa Eularia taldearen aurka (otsailaren 17 eta 21ean).
