Ligia Costa da Silva, 21 urteko pibote brasildarrak SUPER AMARA Bera Beran jokatuko du gutxienez denboraldi amaiera arte.
Poloniako SPR Pogoń Szczecin taldetik dator, non 2015-16 denboralditik aritu den. Ligia Costak Alemaniako Mundialean parte hartu du Jorge Dueñasek zuzendu duen Brasileko selekzioarekin. Halere, txapelketa zaila izan da Brasilentzat, 18. Amaitu zuelarik eta bi golekin, Costak Poloniaren aurka jokatu zuen partidarik onena.
Gaztea izan arren, SUPER AMARA Bera Berak uste du 1,90 metroarekin ekarpen handia egingo diola taldeari defentsan eta erasoan Montse Pucheren eskeman, Judith Sansek utzitako hutsunea betez.
Klubak orain bulegoetan lan egiten ari da Ligia Costa urtarrilaren 13an Bidebietan Canyamelar Valencia taldearen aurka jokatze aldera. Brasildar pibotea egun Polonian da eta sartzeko bisa lortzen duenean SUPER AMARA Bera Berarekin bat egingo du. SPR Pogoń Szczecin taldeak Costak egindako ekarpena eskertu du publikoki eta zorterik onena opa nahi izan dio. Bosgarrenak sailkapenean, lidergoetatik urrun, entrenatzailea kargugabetu zuten duela bi aste.
