SUPER AMARA Bera Bera eta Aula Valladolid taldeak Ágredan 15 urte bete duen Soriako klub honetako ospakizun ekitaldietan parte hartu dute, Valladolidekoek lagunartekoa irabazi dutelarik (25-28).
Partida hasieran, SUPER AMARA Bera Berak ez du erasoan asmatu, hutsuneak sortzerakoan nahiz jaurtiketetan, Guerrak geldiketa onak ere egi ditu. Ondorioz, Aula 1-5 aurreratu da kontraerasoak lagun.
Ágredara Ermuan eta Angleten izan zen taldeari Nerea Lizarraga jubenila gehitu zaio, Cardosok belaunean mina zuelako. Internazionalak ez dira egon eta Arrojeria, Ausàs eta Zugarrondo oraindik ez daude jokatzeko moduan.
Berasategik Ederra aurkitu du piboteak –13. minutuan- eta Aramendia bi kontraerasoekin gertutaru dituzte baina hurrengo hamar minutuetan Zalduak eta Guarieriok baino ez dute asmatu. Aula Valladolid, plantilla osoarekin, tartea ireki du Castellanos atezainaren geldiketa egin arren. Atsedenaldira iritsi aurretik SUPER AMARA Bera Berak murriztu du aldea (10-12).
Bigarren zatiaren hasieran Zalduak bi golekin norgehiagoka berdindu du baina Aula Valladolid taldeak ez du ezer utzi eta Prieto edo Viloria hegaletatik markagailuan tartea handituz joan dira etengabe. Partida amaieran Aramendia eta Guarierio jokalariek SUPER AMARA Bera Bera gerturatu dute baina berandu zen.
Partidaren arlo positiboa, gazteek izan dituzten minutuak eta Nerea Lizarraga jubenilaren debuta.
Fitxa: SUPER AMARA Bera Bera 25, Aula Valladolid 28
SUPER AMARA Bera Bera 25 (10+15): Castellanos, Ezkurdia (1), Menéndez, Azurmendi, Encina (2), Berasategi (1) eta Aramendia (8) –titular- Ederra (2), Guariero (7), Zaldua (4, 1p) eta Lizarraga.
Aula Valladolid 28 (12+16): Guerra, Calderón (1), Prieto (7), Álvarez (2), Terés (1), Cesáreo (2) eta Cuadrado (2) –titular- Cifuentes (5), Fernández (2 p), González, Gutiérrez (3), Bergara, Koudia, Viloria (3) eta Sanz (o.a.)
Epaileak: Moyano eta Merino (Gaztela Leoi)
Kanporatuak: Guarierio (2) eta Menéndez Super Amaratik eta Álvarez eta Cuadrado Aula Valladolidetik.
Partzialak: 1-1, 1-5, 6-8, 7-11, 10-12 –atsedenaldia- 12-15, 14-19, 18-24, 20-26 eta 25-28
