SUPER AMARA Bera Bera astelehenean itzuli zen entrenaldietara zubian egun batzuk jai izan ondoren. Urtea amaitu bitartean hiru hitzordu izango ditu, ostegunean Iparraldeko Anglet herrian, Soriako Agredan eta datorren astean Elgoibarren Euskal Koparekin.
Bihar Angleten, 19,30etan, SUPER AMARA Bera Bera Akitaniako junior mailako selekzioa izango du aurrean, Esme López Bera Berako jokalari ohiak zuzentzen duena. Norgehiagoka Angleteko Saint Jean kiroldegian izango da (9 Avenue de Brindos). Alemaniako Mundialean egon ostean, internazionalek aste honetan atsedena hartuko dute. Hortaz, Ermuan abenduaren 3an egin bezala, Montse Puchek gazteei minutuan emango dizkie.
Bestetik, Agredako eskubaloi taldeak egindako gonbidapenari erantzun dio SUPER AMARA Bera Berak, bertako taldeak 15 urte ospatzen ari delako. Ondorioz, larunbatean 18,30etan Aula Valladolid izango du aurrean.
Euskal Kopa, Elgoibarren
Gaur goizean Elgoibarko udaletxean Euskal Kopako edizio berri bat aurkeztu da, Gipuzkoako herri honetan abenduaren 22 eta 23an ospatuko dena.
Elgoibarko Olaizaga kiroldegiak hartuko ditu hiru partida. SUPER AMARA Bera Berak Kukullaga izango du aurrean finalerdietan ostiralean, hilak 22, 19,30etan eta aurretik, 17,30etan HGB Prosetecnisa Zuazo Barakaldo eta Bilboko San Adrián taldeak aurrez aurre izango dira, Zilarrezko mailan aritzen dena. Finala, larunbatean, hilak 23, 18etan.
