Bost egun jai izan ostean, SUPER AMARA Bera Bera entrenaldietara itzuliko da gaur. Montse Puche prest dauden jokalariak deitu ditu 19,30etara Bidebietan, Estitxu Berasategi barne, Imanol Álvarezekin junior mailako selekzioarekin egindako konzentrazioa amaituta.
Gipuzkoarrek ia zazpi asteetako aurredenboraldi antzekoari hasiera emango diote, izan ere, Guerreras Iberdrola ligako hurrengo partida urtarrilaren 13an izango da Bidebietan, hamaikagarren jardunaldiari dagokiona eta orduan SUPER AMARA Bera Berak Canyamelar Valencia hartuko du.
Ligara ahalik eta ondoen iriste aldera, SUPER AMARA Bera Berak bi lagunarteko jokatuko ditu abenduan, aurrena igande honetan Ermuan HGB Prosetecnisa Zuazoren aurka (12etan). Montse Puche internazionalik gabe joango da jakina –Etxeberria, Arderíus eta Karsten- Alemanian Mundiala jokatzen direlarik eta baja ere izango dira Arrojeria, Ausàs eta Zugarrondo. Hurrengo hitzordua abenduaren 16an izango da Agredan. Bertako klubak 15 urte betetzeko ospakizunetan SUPER AMARA Bera Bera eta Aula Valladolid taldeen arteko partida eskainiko diete zalegoei.
Bestetik, HGB Zuazo eta SUPER AMARA Bera Bera, Guerreras Iberdrola ligako talde euskaldunek Euskal Kopako finalerdietan aurkariaren zain daude, Kukullaga edo Bilboko San Adrian taldeak, alegia. Elgoibarrek hartuko du aurtengo edizioa abenduaren 22 eta 23an.
Gabonak eta Errege bitartean, entrenaldietan lagunarteko partidaren bat egitea aztertzen ari da SUPER AMARA Bera Bera.
