SUPER AMARA Bera Berak bi puntu gehiago gehitu ditu sailkapenean Base Villaverde (37-26) taldea gaindituta, gipuzkoarren partida gatzila izan arren, batez ere defentsan. Hortaz, Rocasaren atzetik jarraitzen du.
Ondo hasi dira gipuzkoarrak, 4-1 aurretik jarri dira aurreneko partzialera iritsi aurretik. Halere madrildarrak Silvia Ausàs - Mònicaren ahizpa- sei metroetan aurkitu dute eta kataluniarrak bost gol egin ditu lehengo zatian.
Arderíus taldea zuzendu du Etxeberria, Aramendia eta Sans lagun. Partidak intentsitate handia izan du, joan etorri ugari izan duelarik. Karsten eta Guarieiro jokalariek tartea zabaldu dute (14-7) baina José Ruiz Hidalgo entrenatzaileak partida gelditu du eta bere taldeak 0-3 partziala lortu du.
Puchek jokalari guztiei eman die minutuak eta Zalduak birritan zulatu du Wiggins atezainaren atea. Halere, madrildarren lehenengo lerroak defentsan hutsuneak aurkitu du eta atsedenaldira 19-16 estu batekin iritsi da Base Villaverde.
Bigarrenean, SUPER AMARA Bera Berak gehiago estutu du. Etxeberria, Arderíus eta Menéndez jokalariek asmatu dute eta Castellanosek penaltia gelditu dio Ausàsi. Ostean Karstenek erakutsi du zer nolako maila duen eta zazpi goleako abantaila hartu arren Base Villaverde gerturatu da (43 min. 28-23) Pucheren hutsartea eraginez.
Azken minutuetan eraso egon dira donostiarrak. 9-3 partziala lortuz Aramendia eta Cardoso jokalarien bidez. Base Villaverdek ez du itxura txarra eman Donostian, gainera Rocasa ezik hainbeste gol ez du inor sartu aurten Donostian.
Ficha: SUPER AMARA Bera Bera 37, BM Base Villaverde 26
SUPER AMARA Bera Bera 37 (19+18): Castellanos, Etxeberria (6), Guarieiro (2), Arderíus (4, 1p), Azurmendi, Sans (4) eta Aramendia (8) –titular- Karsten (5), Menéndez (1), Zaldua (2), Encina (2), Cardoso (2), Ezkurdia, Berasategi (1), Ederra eta Lladró (o.a.).
BM Base Villaverde 26 (16+10): Wiggins, Cardador (1), González (2), P. Pérez, Bartolomé (4), L. Montilla (9), N. Montilla (3), Ausàs (5), Fernández (2), Lorenzo, Morales, Baldea, Diaz, A. Pérez.
Epaileak: Tania Rodríguez –valentziarra –eta Lorena García –aragoitarra-
Kanporatuak: Sans (2) SUPER AMARA Bera Beratik eta Cardador (2) Base Villaverdetik
Partzialak: 4-2, 7-4, 12-7, 14-9, 17-13, 19-16 –atsedenaldia- 22-17, 26-20, 29-23, 31-24 eta 27-26
