Emakumezkoen eskubaloiko Guerreras Iberdrola Ligaren zortzigarren jardunaldiak SUPER AMARA Bera Bera bigarren postuan bakarrik utzi du, partida guztiak irabazi dituen Rocasa lider sendoaren atzetik.
Mavi Nuevas Tecnologías taldeak Valladoliden lortutako garaipena, defentsari esker (21-25), eta donostiarren garaipena KH7 BM Granollersen aurrean, SUPER AMARA Bera Bera bigarren postuan gelditu dira bakarrik kanariarrekiko bi puntuta. Atzetik, sei garaipenekin hiru talde: Mecalia Atlético Guardés, Mavi Nuevas Tecnologías eta Aula Valladolid, HGB Prosetecnisa Zuazo Barakaldok Lasesarren galdu zuen Rincón Fertilidad Málagaren aurka, biak sailkapen erdian direlarik.
Jardunaldiak etxean garaipen bakarra utzi du, Bidebietan eman zena, izan ere, Canyamelar Valencia eta Ibizak berdindu zuten eta gainontzeko sei norgehiagoketan kanpotarrak izan ziren nagusi.
Super Amara Bera Bera, Rincón Fertilidad Málaga bezala, gol gutxien jaso duen taldea da Guerreras Iberdrola ligan. Hasierako zalantzak uxatu ostean, defentsa eta atezain hobera joan dira. Pucheren taldeak 23 gol baino gutxiago jaso du bataz beste –Rocasak 34 egin zizkion- eta golak egiterakoan ere iaz baino bost gol gehiago sartu ditu aurreneko zortzi jardunaldietan, 248 alegia (batez beste, 31).
Alemaniako Mundialak eragingo duen etenaldia iritsi aurretik Base Villaverdek Bidebieta bisitatuko du larunbatean hilak 11 (18 h.) eta erabakiorra izan daite hurrengo norgehiagoka Valladoliden azaroak 17, ostiralean (21etan, Teledeporte).
Bidebieta ia beteta eta maskota berezia
Partidak zalego asko erakarri zuen, ia Bidebieta betez, harmailetan giro aparta, ikasketak direla eta orain Granollersen dagoen Elene Vázquez Bera Berako harrobiko jokalariak ere txaloak jaso zituena. Eta Aitorrek publiko mugiarazi zuen SUPER AMARA Bera Bera Kizkur maskotarekin.
