SUPER AMARA Bera Berak seigarren garaipen jarraian eskuratu nahi du bihar Bidebietan (18etan Javier Álvarez –EAE- eta Yon Bustamante –Nafarroa-) KH7 BM Granollers aurreran, Guerreras Iberdrola Liga hasiera honetan joku ona erakutsi duen taldea.
O Porriñoko bigarren zati bikainak garaipena erraztu zuen Godoy Maceira taldearen aurka, lehengo asteartean. Partidaz gainezkako urria igaro ostean, gipuzkoarrek orain etxean bi partida izango dituzte jarraian baina ez dira Robert Cuestaren taldea gaztearekin fio, izan ere, eskubaloi alaia erakutsi du orain arte, partidako ia 30 gol sartuz.
KH7 BM Granollers taldeak hasiera hiru norgehiagokak irabazi zituen aise, ostean Gijón, Zuazoren aurka etxean eta O Porriñon galdu zuen baina lasaitu zen Castelló gaindituz (43-26) eta, asteazkenean, Kopako final-zortzirenetako txartela Alcobendasen lortu zuen (32-36). Gainera, kataluniarrekin dator Bera Berako harrobiko Elene Vázquez. Ikasketak direla eta, Bartzelonan da donostiarra, 18 urte bete gabe oraindik Bera Berako maila guztietatik jokatu du: eskolan, infantil, kadete, jubenil eta seniorretan.
Bestetik, Montse Puche bere eskura ditu 16 jokalari, taldeko jokua hobetzen saiatuko dena Mavi Nuevas Tecnologías eta O Porriñoko bigarren zatiari jarraipena emanez. Bidebietak itxura aldaketa errepikatuko du eta gazteentzat aukera berriak sortuko dira harmailetan.
